ମୁମ୍ବାଇ: ସୁପରଷ୍ଟାର ଅଜୟ ଦେବଗନ ଫିଲ୍ମ ସହିତ ସୋସିଆଲ ମିଡିଆରେ ମଧ୍ୟ ବହୁତ ଆକ୍ଟିଭ ଅଟନ୍ତି। ସେ ତାଙ୍କ ପ୍ରଶଂସକଙ୍କ ସହ ଯୋଡ଼ି ହୋଇ ରହିବାକୁ ପ୍ରାୟତଃ ସୋସିଆଲ ମିଡିଆରେ ଅନେକ ଫଟୋ ଶେୟାର କରନ୍ତି। ଏହା ସହିତ ସେ ନିଜ ପରିବାରଠାରୁ ବୃତ୍ତିଗତ ଜୀବନ ପର୍ଯ୍ୟନ୍ତ ସବୁକିଛି ଶେୟାର କରିଥାନ୍ତି। ତାଙ୍କର ପ୍ରଶଂସକମାନେ ଏହି ଶୈଳୀକୁ ବହୁତ ପସନ୍ଦ କରନ୍ତି। ଏସବୁ ମଧ୍ୟରେ ଅଜୟ ନୂଆବର୍ଷ ଅବସରରେ ତାଙ୍କ ପ୍ରଶଂସକଙ୍କୁ ଏକ ବିଶେଷ ଢଙ୍ଗରେ ଶୁଭକାମନା ଜଣାଇଛନ୍ତି।
ଅଜୟ କିଛି ଥ୍ରୋ ବ୍ୟାକ୍ ଫଟୋ ଶେୟାର କରିଛନ୍ତି। ସେ ତାଙ୍କ ପୁଅ ଯୁଗ୍, ଝିଅ ନ୍ୟାସା ଏବଂ ସ୍ତ୍ରୀ ତଥା ଅଭିନେତ୍ରୀ କାଜଲଙ୍କ ସହ ବିତାଇଥିବା ବିଶେଷ ମୁହୂର୍ତ୍ତ ଦେଖିବାକୁ ମିଳିଛି। ଶେୟାର ହୋଇଥିବା ଏକ ଫଟୋରେ ଅଜୟ ପୁଅ ଯୁଗ୍ଙ୍କୁ ନିଜ କୋଳରେ ଧରିଥିବାର ନଜର ଆସିଛନ୍ତି। ଅନ୍ୟ ଏକ ଫଟୋରେ ନ୍ୟାସା ଏବଂ କାଜଲ ଜାହାଜରେ ପଢୁଥିବା ଦେଖିବାକୁ ମିଳିଛି।
ଗୋଟିଏ ଫଟୋରେ ଅଜୟ ଦେବଗନ ମାଳଦ୍ୱୀପରେ ଭଣଜାଙ୍କ ସହ ସାଇକେଲ ଚଳାଉଥିବାର ଦେଖିବାକୁ ମିଳିଛି। ଅନ୍ୟ ଏକ ଫଟୋରେ ଭଣଜା ଡାନିଶ ଏବଂ ଅମାନ ପୁଅ ଯୁଗ ସହିତ ନଜର ଆସିଛନ୍ତି।
ଇନ୍ଷ୍ଟାଗ୍ରାମରେ ଏହି ସୁନ୍ଦର ଫଟୋଗୁଡ଼ିକୁ ଶେୟାର କରି ଅଜୟ ଦେବଗନ କ୍ୟାପ୍ଶନରେ ଲେଖିଛନ୍ତି, ‘ଗ୍ୟାଲେରୀ ଖୋଜି ଖୋଜି ଏହି ରତ୍ନ ପାଇଛି… ପରମ୍ପରା, ପ୍ରିୟଜନ ଏବଂ ଉଷ୍ମତାକୁ ସଲାମ। ଯାହା ଛୁଟିଦିନରେ ଆମ ହୃଦୟକୁ ସର୍ବଦା ଭରିଦିଏ !! ଏହି ନୂଆବର୍ଷରେ ତୁମ ସମସ୍ତଙ୍କୁ ଏପରି ଯାଦୁ ପାଇଁ ଶୁଭେଚ୍ଛା।
