ନୂଆଦିଲ୍ଲୀ/ବର୍ଲିନ୍,୨୬ା୧୦: ଆଲବାନିଆର ପ୍ରଧାନମନ୍ତ୍ରୀ ଏଡି ରାମା ଏକ ଆଶ୍ଚର୍ଯ୍ୟଜନକ ଘୋଷଣା କରିଛନ୍ତି ଯେ ଦେଶର AI-ନିର୍ମିତ ମନ୍ତ୍ରୀ ‘ଡିଏଲା’ ବର୍ତ୍ତମାନ ‘ଗର୍ଭବତୀ’ ଏବଂ ସେ ଶାସକ ସୋସିଆଲିଷ୍ଟ୍ ପାର୍ଟିର ସମସ୍ତ ୮୩ ଜଣ ସାଂସଦଙ୍କ ପାଇଁ ‘୮୩ ପିଲା’ (ସହାୟକ) ସୃଷ୍ଟି କରିବାକୁ ଯୋଜନା କରିଛନ୍ତି।
ବର୍ଲିନ୍ରେ ଅନୁଷ୍ଠିତ ଗ୍ଲୋବାଲ୍ ଡାଏଲଗ୍ (BGD) କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ରାମା ଏହି ଘୋଷଣା କରି କହିଛନ୍ତି ଯେ ଏହି ‘ପିଲା’ ବା AI ସହାୟକମାନେ ସଂସଦରେ ଘଟୁଥିବା ପ୍ରତ୍ୟେକ ବିଷୟକୁ ରେକର୍ଡ କରିବେ।
ରାମାଙ୍କ ଅନୁଯାୟୀ, ପ୍ରତ୍ୟେକ ସାଂସଦଙ୍କ ପାଇଁ ଉଦ୍ଦିଷ୍ଟ ଏହି ସହାୟକମାନେ ସେମାନଙ୍କ ଅନୁପସ୍ଥିତିରେ ଗୃହରେ କ’ଣ ଆଲୋଚନା ହେଲା, କାହାକୁ କିପରି ଜବାବ୍ ଦେବାକୁ ପଡ଼ିବ, ସେ ସମ୍ପର୍କରେ ତଥ୍ୟ ଯୋଗାଇବେ। ସେ ଆଶା କରୁଛନ୍ତି ଯେ ଏହି ସିଷ୍ଟମ୍ ୨୦୨୬ ଶେଷ ସୁଦ୍ଧା ସମ୍ପୂର୍ଣ୍ଣ କାର୍ଯ୍ୟକ୍ଷମ ହେବ।
‘ଡିଏଲା’ (ଯାହାର ଅର୍ଥ ‘ସୂର୍ଯ୍ୟ’) ହେଉଛନ୍ତି ବିଶ୍ୱର ପ୍ରଥମ ଅଣ-ମାନବ ସରକାରୀ ମନ୍ତ୍ରୀ। ତାଙ୍କୁ ସେପ୍ଟେମ୍ବର ମାସରେ ଆଲବାନିଆର ସରକାରୀ କ୍ରୟ (public procurement) ବ୍ୟବସ୍ଥାକୁ ଶତ ପ୍ରତିଶତ ଦୁର୍ନୀତିମୁକ୍ତ ଏବଂ ସମ୍ପୂର୍ଣ୍ଣ ସ୍ୱଚ୍ଛ କରିବା ପାଇଁ ନିଯୁକ୍ତ କରାଯାଇଥିଲା। ସେ ଏକ କୋଡ୍ ଏବଂ ପିକ୍ସେଲ୍ ରେ ଗଠିତ AI ସତ୍ତା, ଯାହାକି ପାରମ୍ପରିକ ଆଲବାନିଆ ପୋଷାକରେ ଜଣେ ମହିଳା ଭାବରେ ଦର୍ଶାଯାଇଛି।
