ନୂଆଦିଲ୍ଲୀ,୧୯।୧୦: ଚଳିତ ବର୍ଷ ଦେଶରେ ଫସଲ ରେକର୍ଡ ସ୍ତରରେ ଉତ୍ପାଦନ ହେବାର ଆଶଙ୍କା ରହିଛ। ଏନେଇ କୃଷି ମନ୍ତ୍ରଣାଳୟ ସୂଚନା ଦେଇଛି। ମନ୍ତ୍ରଣାଳୟ ଦ୍ୱାରା ପ୍ରକାଶିତ ଆକଳନ ଅନୁଯାୟୀ, ୨୦୨୧-୨୨ରେ ଶସ୍ୟ ଉତ୍ପାଦନ ୩୧.୫୬କୋଟି ଟନ ହୋଇଥିଲା। କିନ୍ତୁ ଚଳିତବର୍ଷ ଅର୍ଥାତ୍ ୨୦୨୨-୨୩ରେ ୩୨.୯୬ କୋଟି ଟନ, ଯାହାକି ୧.୪୦କୋଟି ଟନ ଅଧିକ ଶସ୍ୟ ଉତ୍ପାଦନ ହେବ ବୋଲି ଆଶା କରାଯାଉଛି।
ଚଳିତ ବର୍ଷର ଶସ୍ୟ ଉତ୍ପାଦନ ଗତ ପାଞ୍ଚ ବର୍ଷର ହାରାହାରି ଶସ୍ୟ ଉତ୍ପାଦନ ତୁଳନାରେ ପ୍ରାୟ ୩୦.୯ନିୟୁତ ଟନ ଅଧିକ। ମନ୍ତ୍ରଣାଳୟ ଆକଳନ କରିଛି ଯେ ଚଳିତ ବର୍ଷ ୧୩.୫୭ କୋଟି ଟନ ଚାଉଳ, ୧୧.୦୫କୋଟି ଟନ ଗହମ, ୫.୭୩କୋଟି ଟନ ମିଲେଟ ଏବଂ ୩.୮୦କୋଟି ଟନ ମକା ଉତ୍ପାଦନ ହେବ ବୋଲି ଆଶା କରାଯାଉଛି। ଏଥିସହ ୪.୯୦୫ଲକ୍ଷ ଟନ ଆଖୁ ଓ ୩.୩୬କୋଟି ଟନ କପା ଉତ୍ପାଦନ ହେବ।
କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର କହିଛନ୍ତ, ଉଦ୍ୟାନ କୃଷିରେ ରେକର୍ଡ ସଂଖ୍ୟକ ୩୫କୋଟି ଟନରୁ ଅଧିକ ଉତ୍ପାଦନ ହବ ବୋଲି ଆଶା କରାଯାଉଛି। ଏହା ପ୍ରାୟ ୪୭.୪ଲକ୍ଷ ଟନ ଅର୍ଥାତ ଗତ ବର୍ଷ ତୁଳନାରେ ୧.୩୭ ପ୍ରତିଶତ ଅଧିକ। ସେହିପରି ଚଳିତବର୍ଷ ଫଳ ଉତ୍ପାଦନ ୧୦ କୋଟି ୮୩.୪ ଲକ୍ଷ ଟନ ଓ ପନିପରିବା ୨୧ କୋଟି ଅର୍ଥାତ୍ ୨୯.୧ ଲକ୍ଷ ଟନ ହେବ ବୋଲି ଆକଳନ କରାଯାଇଛି।
