ନୂଆଦିଲ୍ଲୀ,୨।୬: ଏକଜିଟ ପୋଲ ପୂର୍ବାନୁମାନରେ ଭାଜପାର ବମ୍ପର ବିଜୟ ପରେ ପଶ୍ଚିମବଙ୍ଗ କଂଗ୍ରେସ ମୁଖ୍ୟ ଅଧୀର ରଂଜନ ଚୌଧୁରୀଙ୍କ ସ୍ବର ବଦଳିଥିବା ଜଣାପଡିଛି। ପ୍ରତ୍ୟେକ ଥର କଂଗ୍ରେସ ଅଧିକ ଆସନ ଜିତିବ ବୋଲି ଦାବି କରୁଥିବା ଅଧିର ରଂଜନ କହିଛନ୍ତି ଯେ ନିର୍ବାଚନ ଫଳାଫଳରେ କିଛି ହୋଇପାରେ।
କଂଗ୍ରେସ ନେତା କହିଛନ୍ତି ଫଳାଫଳ କିଛି ବି ଆସିପାରେ, ମୁଁ ଜ୍ୟୋତିଷ ନୁହେଁ। ତେବେ ଅଧିର କହିଛନ୍ତି ଯେ ଲୋକମାନେ ମତ ଦେଇଛନ୍ତି ଏବଂ ପ୍ରଧାନମନ୍ତ୍ରୀ ମୋଦି ଏବଂ ତାଙ୍କ ସରକାରଙ୍କ ଆଗରେ ଏକ ଚ୍ୟାଲେଞ୍ଜ ସୃଷ୍ଟି ହୋଇଛି।
ସେ ଆହୁରି କହିଛନ୍ତି ଯେ ମୋଦିଙ୍କୁ ହଟାଇବା ପାଇଁ ଜନସାଧାରଣ ମତ ଦେଇଛନ୍ତି ଏବଂ ଦେଶବାସୀ ଏଥର ମୋଦିଙ୍କୁ କ୍ଷମତାରୁ ହଟାଇବେ।
ଏହା ସହିତ, କୌଣସି ଅନିୟମିତତା ନହେବାକୁ ଭୋଟ ଗଣିବା ସମୟରେ ପୂର୍ଣ୍ଣ ଯତ୍ନ ନେବାକୁ ତାଙ୍କ କର୍ମୀଙ୍କୁ ନିବେଦନ କରିଥିଲେ। ସେ କର୍ମୀଙ୍କୁ ଅପିଲ କରିଛନ୍ତି ଯେ ଆମକୁ ଧ୍ୟାନ ଦେବାକୁ ପଡ଼ିବ ଯେ କିଛି ଭୁଲ ନ ହେଉ ଏବଂ ଆମେ ଠକାମି ଦ୍ୱାରା ପରାଜିତ ନ ହେଉ।
ସୂଚନାଯୋଗ୍ୟ, ବିଭିନ୍ନ ଏକଜିଟ ପୋଲରେ ଭାଜପାକୁ ସଂପୂର୍ଣ୍ଣ ସଂଖ୍ୟାଗରିଷ୍ଠତା ଦିଆଯାଇଛି। କେତେକ ଏକଜିଟ ସର୍ଭେ ଅନୁଯାୟୀ ଭାଜପା ୪୦୦ରୁ ଅଧିକ ସିଟ ଜିତିପାରେ। ଏଥିସହିତ ଇଣ୍ଡି ଆଲାଏନ୍ସକୁ ଏକ ବଡ ଝଟକା ଲାଗିପାରେ ବୋଲି ଆଶା କରାଯାଉଛି। ତେବେ କଂଗ୍ରେସ ଏହି ଏକଜିଟ ପୋଲକୁ ନକଲି ବୋଲି କହିଛି ଏବଂ ନିଜର ବିଜୟ ଦାବି କରିଛି।
