ନୂଆଦିଲ୍ଲୀ,୧୧ ।୩: ଗୋଟିଏ ଦିନ ପୂର୍ବରୁ ୪ ରାଜ୍ୟର ବିଧାନସଭା ନିର୍ବାଚନରେ ବମ୍ପର ବିଜୟ ପରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନଜର ଗୁଜରାଟ ବିଧାନସଭା ଉପରେ । ଏବେଠାରୁ ପ୍ରଧାନମନ୍ତ୍ରୀ ଗୁଜରାଟ ବିଧାନସଭା ନିର୍ବାଚନ ପାଇଁ ପ୍ରସ୍ତୁତ ହେଲେଣି । ଶୁକ୍ରବାର ମୋଦି ଦୁଇ ଦିନିଆ ଗୁଜରାଟ ଗସ୍ତରେ ଯାଉଛନ୍ତି । ସେଠାରେ ସେ ମୋଗା ରୋଡ ଶୋ’ କରିବେ ବୋଲି ସୂଚନା ରହିଛି । ଏଥିରେ ପାଖାପାଖି ୪ ଲକ୍ଷ ଲୋକଙ୍କୁ ଏକାଠି ଦେଖାଯିବ ବୋଲି ସୂଚନା ମିଳିଛି ।
ସୂଚନାଯୋଗ୍ୟ, ମୋଦି ସକାଳ ୧୦ଟାରେ ଦିଲ୍ଲୀ ବିମାନ ବନ୍ଦରରୁ ବାହାରି ଅହମଦାବାଦ ବିମାନ ବନ୍ଦରରେ ପହଞ୍ଚିବେ । ସେହିଠାରୁ ସେ ରୋଡ ଶୋ’ ଆରମ୍ଭ କରିବେ । ମୋଦିଙ୍କ ରୋଡ ଶୋ’୧ ଘଣ୍ଟାରେ ୯ କିଲୋମିଟର ଅତିକ୍ରମ କରିବ ଓ ଏଥିରେ ପାଖାପାଖି ୪ ଲକ୍ଷ ଲୋକ ଏକାଠି ହେବେ । ଏହାପରେ ୧୧ଟା ୧୧ରେ ସେ ଗାନ୍ଧିନଗରରେ ଭାଜପା ରାଜ୍ୟ କାର୍ଯ୍ୟାଳୟ କମଲମରେ ପହଞ୍ଚିବେ ।
