ନୂଆଦିଲ୍ଲୀ, ୧୭।୮: ଭାରତର ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ) ଆଗାମୀ ମାସରେ ଦକ୍ଷିଣ ବ୍ଲକରୁ ସେଂଟ୍ରାଲ ଭିଷ୍ଟା ପ୍ରୋଜେକ୍ଟ ଅଧୀନରେ ନିର୍ମିିତ ଏକ୍ସିକ୍ୟୁଟିଭ ଏନକ୍ଲେଭକୁ ସ୍ଥାନାନ୍ତର ହେବ। ରିପୋର୍ଟ ଅନୁଯାୟୀ, ଏହି ନୂଆ କାର୍ଯ୍ୟାଳୟ ଦକ୍ଷିଣ ବ୍ଲକଠାରୁ କିଛି ଶହ ମିଟର ଦୂରରେ ଅବସ୍ଥିତ ଏବଂ ଏହା ପ୍ରଧାନମନ୍ତ୍ରୀଙ୍କ ବାସଭବନରେ ମଧ୍ୟ ନିକଟତର।
ଏକ୍ସିକ୍ୟୁଟିଭ ଏନକ୍ଲେଭରେ ପିଏମଓ ସହିତ କ୍ୟାବିନେଟ ସେକ୍ରେଟାରିଆଟ, ଜାତୀୟ ସୁରକ୍ଷା ପରିଷଦ ସେକ୍ରେଟାରିଆଟ ଏବଂ ଏକ ସମ୍ମିଳନୀ କେନ୍ଦ୍ର ମଧ୍ୟ ରହିବ। ନୂଆ କାର୍ଯ୍ୟାଳୟ ର୍ନିମାଣର ମୁଖ୍ୟ କାରଣ ହେଉଛି ପୁରୁଣା ଦକ୍ଷିଣ ଓ ଉତ୍ତର ବ୍ଲକରେ ସ୍ଥାନ ଅଭାବ ଏବଂ ଆଧୁନିକ ସୁବିଧାର ଅନୁପସ୍ଥିତି। ବ୍ରିଟିଶ ଔପନିବେଶିକ ଯୁଗରେ ର୍ନିମିତ ଏହି ପୁରୁଣା ଅଟ୍ଟାଳିକାଗୁଡ଼ିକରେ ଆଲୋକ, ବାୟୁ ଚଳାଚଳ ଓ ସ୍ଥାନର ଅଭାବ ଥିବାରୁ ନୂଆ ଭବନ ର୍ନିମାଣ ଆବଶ୍ୟକ ହୋଇପଡ଼ିଥିଲା।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିକଟରେ କହିଥିଲେ ଯେ, ପିଏମଓ ଏକ ଜନସେବା କେନ୍ଦ୍ର ହେବା ଉଚିତ, ଏହା କେବଳ ତାଙ୍କର କାର୍ଯ୍ୟାଳୟ ନୁହେଁ। ଏହି ନୂଆ ପିଏମଓକୁ ସେବାର ଚେତନାକୁ ପ୍ରତିଫଳିତ କରି ଏକ ନୂଆ ନାମ ଦିଆଯାଇପାରେ ବୋଲି ସୂଚନା ରହିଛି।
ଏହା ସହିତ, ଦକ୍ଷିଣ ଓ ଉତ୍ତର ବ୍ଲକ, ଯାହା ଗତ ୭୮ ବର୍ଷ ଧରିି ଭାରତ ସରକାରର ନାଭିକେନ୍ଦ୍ର ଥିଲା, ଏବେ ଏକ ଜନସାଧାରଣ ସଂଗ୍ରହାଳୟ ‘ଯୁଗେ ଯୁଗେନ ଭାରତ ସଂଗ୍ରହାଳୟ’ରେ ପରିଣତ ହେବ। ଏହି ସଂଗ୍ରହାଳୟ ଭାରତର ସାଂସ୍କୃତିକ ଐତିହ୍ୟ ଏବଂ ଗୌରବମୟ ଅତୀତକୁ ପ୍ରଦର୍ଶନ କରିବ। ସେଂଟ୍ରାଲ ଭିଷ୍ଟା ପ୍ରୋଜେକ୍ଟ ଅଧୀନରେ ନୂଆ ସଂସଦ ଭବନ, କମନ ସେଂଟ୍ରାଲ ସେକ୍ରେଟାରିଆଟ ଏବଂ ଅନ୍ୟାନ୍ୟ ଆଧୁନିକ ଭିତ୍ତିଭୂମି ର୍ନିମାଣ କରାଯାଉଛି, ଯାହା ଭାରତର ଉଭୟମାନ ଅର୍ଥନୈତିକ ଶକ୍ତିର ପ୍ରତିଛବିକୁ ସୁଦୃଢ଼ କରିବ।