କାବୁଲ,୧୩ ।୨: ଯେବେଠାରୁ ଆଫଗାନିସ୍ତାନରେ ତାଲିବାନ ଶାସନ ଆରମ୍ଭ ହେଲାଣି ସେବେଠାରୁ ସେଠାରେ ସଲାମିକ ରଙ୍ଗଢଙ୍ଗର କଥା ଅଧିକ ହେଉଛି । ତାଲିବାନି ନେତା ଦେଶର ଇସଲାମିକ କାଇଦା କଟକଣାକୁ କଡାକଡି ଭାବେ ପାଳନ କରୁଥିବା ବେଳେ ଏବେ ଏହି ପରିବର୍ତ୍ତନ ଫ୍ଲାଇଟର ପାଇଲଟ ଓ କ୍ର୍ୟୁ ମମ୍ବେରଙ୍କ ଉପରେ ବି ଲାଗୁ କରାଯାଇଛି । ଏଠାରେ ତାଲିବାନ ସ୍କୁଲରୁ ଟ୍ରେନିଂ ନେଇ ବାହାରିଥିବା ପାଇଲଟଙ୍କ ଏକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ଏହି ଫଟୋକୁ ଦେଖି ଯେ କେହି ଆଶ୍ଚର୍ଯ୍ୟ ହୋଇଯାଉଛନ୍ତି । ଫଟୋରେ ୩ ଜଣ ବ୍ୟକ୍ତିଙ୍କୁ ଦେଖିବା ପରେ ଲୋକେ ଏହାକୁ ନେଇ ହସିବେ ନା ଡରିବେ ତାହା ସ୍ଥିର କରିପାରୁ ନାହାନ୍ତି । ଫଟୋରେ ୩ ଣ ଆଫଗାନୀ ଯୁବକ ରହିଛନ୍ତି । ଏମାନେ ଆଖିରେ କଳା, ମୁଣ୍ଡରେ ଲମ୍ବା ଲମ୍ବା କେଶ ଓ ହାତରେ ଲାଇସେନ୍ସ ଧରିଥିବା ଦେଖାଯାଇଛି । ଏମାନଙ୍କ ବସିବାର ଶୈଳିବି ଅଲଗା ଲାଗୁଛି ।
ଜଣେ ଖବରଦାତା ଟୁଇଟରରେ ଏହି ଫଟୋକୁ ଶେୟାର କରି ଲେଖିଛନ୍ତି, ଏମାନେ ୩ ଜଣ ‘ତାଲିବାନ ପାଇଲଟ’ । ଏମାନେ ଆଫଗାନିସ୍ତାନର ତାଲିବାନ ସେଣ୍ଟରରେ ଗ୍ରାଜୁଏଟ ହେବାପରେ ସାର୍ଟିଫିକେଟ ଧରି ବାହାରିଛନ୍ତି । ଏମାନଙ୍କ ଲମ୍ବା କେଶ, ଦାଢି ଓ ପାଦରେ ଜୋତା ନ ଥିବା ନଜର ଆସିଛି । ଏମାନଙ୍କ ସାର୍ଟିଫିକେଟ ଉପରେ ହେଲିକପ୍ଟରର ଚିତ୍ର ଦେଖାଯାଇଛି । କୁହାଯାଉଛି କି ଏହି ସାର୍ଟିଫିକେଟ ଏମାନଙ୍କ ପାଇଲଟ ଲାଇସେନ୍ସ ଯାହାକୁ ତାଲିବାନ ଦେଇଛି । ଆଫଗାନିସ୍ତାନର ଏହି ଅଜବ ଲାଗୁଥିବା ଫଟୋକୁ ୮ମ ବ୍ରିଗେଡର ଆନ୍ତରିକ କମାଣ୍ଡର ମନ୍ତ୍ରଣାଳୟର ଜେନରାଲ ହାରୁନ ମୋବାରେଜ ବି ଶେୟାର କରିଛନ୍ତି ।
