ବୌଦ୍ଧ, ୨୮।୨(ସ୍ବ.ପ୍ର.): ଖରଭୂଇଁ ଗ୍ରାମରେ କ୍ରସର ଚାଲିବା ନେଇ ପ୍ରଶାସନର ଅଧିକାରୀମାନେ ଚାହୁଁଥିବା ବେଳେ ଏପଟେ କିନ୍ତୁ ଗ୍ରାମବାସୀ କ୍ରସର ସମ୍ପୂର୍ଣ୍ଣ ବନ୍ଦ କରିବାକୁ ଆନ୍ଦୋଳନ ଚାଲୁରଖିଛନ୍ତି। ପ୍ରଶାସନ ଗ୍ରାମବାସୀଙ୍କ ଆନ୍ଦୋଳନକୁ ଭଣ୍ଡରୁ କରିବାକୁ ଗ୍ରାମବାସୀଙ୍କ ନାମରେ ବହୁ ମିଥ୍ୟା ମାମଲା କରିଛି। ଏହି ଆନ୍ଦୋଳନର ମୁଖ୍ୟ ଥିଲେ ଭାରତୀୟ କମ୍ପ୍ୟୁନିଷ୍ଟ ପାର୍ଟିର ରାଜ୍ୟ ପରିଷଦ ସଦସ୍ୟ ଓ ପୂର୍ବତନ ଜିଲା ପରିଷଦ ଅବକାଶ ସାହୁ। ପ୍ରଶାସନ ପକ୍ଷରୁ ଗତ ୧୫।୧୧।୨୦୨୨ରେ କପୋଳକଳ୍ପିତ କାହାଣୀ ରଚନା କରି ଅବକାଶ ସାହୁଙ୍କୁ ମିଥ୍ୟା ମାମଲାରେ ଗିରଫ କରି କୋର୍ଟ ଚାଲାଣ କରିଥିଲା ା ଏପଟେ ଜେଲ ଭିତରେ ଥିବା ବେଳେ ପୁଣି ତାଙ୍କ ନାମରେ ୫ ଗୋଟି ମାମଲା ରୁଜୁ କରିଥିଲା। କ୍ରସର ଯୋଗୁ ଗ୍ରାମରେ ବହୁ ଘର ଭାଙ୍ଗିବା ସହ ଲୋକମାନେ ବହୁ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ କରି କ୍ରସର ବନ୍ଦ କରିବାକୁ ଆନ୍ଦୋଳନ ଚାଲୁରଖିଛନ୍ତି। ଦୀର୍ଘ ଏକ ବର୍ଷରୁ ଅଧିକ ଦିନ ଗ୍ରାମବାସୀ ବନ୍ଦ କରିବାକୁ ଆନ୍ଦୋଳନ କରିଆସୁଛନ୍ତି। ଗୋଟିଏ ଗୋଟିଏ ପରେ ମାମଲା ରୁଜୁ କରି ଆସୁଥିବା ବେଳେ ସୋମବାର ଛତରଙ୍ଗ ଠାରେ ଏକ ବେଆଇନ ଘର କରିଥିବା ନେଇ ଭଙ୍ଗା ଯାଇଛି। ଘର ଭାଙ୍ଗିବା ସମୟରେ ପରିବାର ଲୋକ ସେ ଜେଲରେ ଅଛନ୍ତି। ଆମକୁ କିଛି ସମୟ ଦିଆଯାଉ। ଯଦି ବେଆଇନ ଘର ନିର୍ମାଣ ହୋଇଥିବ ଆମେ ନିଶ୍ଚୟ ଭାଙ୍ଗିବୁ ବୋଲି କହିବା ସତ୍ତ୍ୱେ କିନ୍ତୁ ପ୍ରଶାସନର ଅଧିକାରୀମାନେ କୌଣସି କଥାକୁ ନ ଶୁଣି ଘରକୁ ଭାଙ୍ଗିଥିଲେ। ଆହୁରୀ ମଧ୍ୟ ଗ୍ରାମର ଅନେକ ଲୋକ ବେଆଇନ ଘର କରିଛନ୍ତି। ସେମାନଙ୍କ ଘର କାହିଁକି ଭଙ୍ଗା ଯାଉନାହଁ ବୋଲି ପରିବାର ପ୍ରଶାସନର ଅଧିକାରୀଙ୍କୁ ପ୍ରଶ୍ନ କରିଥିଲେ। ଭାଙ୍ଗିବା ସମୟରେ ତାଙ୍କର ସ୍ତ୍ରୀ, ମାଆ , ଝିଅ ଓ ଗ୍ରାମର କିଛି ମହିଳା ବନ୍ଦ କରିବାକୁ ଗାଡି ଆଗକୁ ଆସିଥିବା ବେଳେ ପୋଲିସ ଜୋରଜବରଦସ୍ତ ଉଠାଇ ନେଇ ଯାଇ ଘରକୁ ଭାଙ୍ଗିଥିବା ଜଣାପଡିଛି। ପ୍ରଶାସନର ଏପରି ପ୍ରତିହିଂସା ପରାୟଣ କାର୍ଯ୍ୟକୁ ଭାରତୀୟ କମ୍ପ୍ୟୁନିଷ୍ଟ ପାର୍ଟି ରା୍ଯଯ କମିଟି ସମ୍ପାଦକ ମଣ୍ଡଳି ସଦସ୍ୟ ଜୟନ୍ତ ଏକ ପ୍ରେସ ରିଲଜ ଜରିଆରେ ଦୃଢ ନିନ୍ଦା କରିଛନ୍ତି। ଏହାକୁ ପୂର୍ବତନ ବିଧାୟକ ନାରାୟଣ ରେଡୀ ମଧ୍ୟ ନିନ୍ଦା କରିଛନ୍ତି।
