ବମ୍ବେ: ପ୍ରେମରେ ଉବୁଟୁବୁ ହେଉଛନ୍ତି ବଲିଉଡ୍ର ନୂଆ ଲଭବାର୍ଡ ଆଦିତ୍ୟ ରୟ କପୁର ଏବଂ ଅନନ୍ୟା ପାଣ୍ଡେ। ଦୀର୍ଘଦିନରୁ ଉଭୟ ପରସ୍ପରକୁ ଡେଟ୍ କରୁଥିବା ଖବର ଶୁଣିବାକୁ ମିଳୁଥିଲା। ଏବେ ସବୁକିଛି ଧିରେ ଧିରେ ସ୍ପଷ୍ଟ ହେଉଛି। ନିକଟରେ ଦୁହେଁ ଛୁଟି କଟାଇବାକୁ ବିଦେଶ ଯାଇଥିବା ବେଳେ ସେଠାରୁ ତାଙ୍କର ଗୋଟିଏ ପରେ ଗୋଟିଏ ଫଟୋ ଭାଇରାଲ ହେଉଛି। ଭାଇରାଲ ଫଟୋରେ ସେମାନଙ୍କ ସମ୍ପର୍କ ବେଶ୍ ବାରି ହୋଇ ପଡ଼ୁଛି।
ଭାଇରାଲ ଫଟୋରେ ଆଦିତ୍ୟ-ଅନନ୍ୟା ଦୁହେଁ ପର୍ତ୍ତୁଗାଲର ଏକ ରେଷ୍ଟୁରାଣ୍ଟରେ କଥା ହେଉଥିବା ଦେଖାଯାଉଛି। ଉଭୟଙ୍କ ମୁହଁ ହସହସ ଥିବା ବେଳେ ଆଖି କଥା କହୁଛି। ଦୁହିଁଙ୍କ ପ୍ରଶଂସକ ଏହି ଫଟୋକୁ ବେଶ ପସନ୍ଦ କରୁଛନ୍ତି।
ଗତ ବର୍ଷ କୃତି ସାନନଙ୍କ ଦୀପାବଳି ପାର୍ଟିରେ ଆଦିତ୍ୟ-ଅନନ୍ୟା ପ୍ରଥମ ଥର ନଜର ଆସିଥିଲେ। ସେବେଠାରୁ ସେମାନଙ୍କ ମଧ୍ୟରେ କିଛି କିଛି ଚାଲିଥିବା କୁହାଯାଉଛି।
