ବମ୍ବେ: ବଲିଉଡ୍ର ଖିଲାଡି କିଙ୍ଗ ଅକ୍ଷୟ କୁମାରଙ୍କ ଡିମାଣ୍ଡ କାହିଁରେ କେତେ। ସେ ଯେଉଁ ଫିଲ୍ମରେ ଅଭିନୟ କରନ୍ତି ତାହା ହିଟ୍ ହୋଇଥାଏ ବୋଲି ନିର୍ମାତା ବିଶ୍ୱାସ କରନ୍ତି। ଏହାକୁ ନେଇ ତାଙ୍କ ସହ କାମ କରିବାକୁ ନାୟିକାମାନେ ଚାହିଁ ରହିଥାନ୍ତି। ହେଲେ ବଲିଉଡ୍ରେ କିଛି ସୁନ୍ଦରୀ ଅଭିନେତ୍ରୀ ଏଭଳି ଅଛନ୍ତି ଯେଉଁମାନେ ଅଭିନେତାଙ୍କ ସହ କାମ କରିବାକୁ ରାଜି ହୋଇ ନ ଥାନ୍ତି।
ତାଲିକାରେ ପ୍ରଥମ ନାମ ହେଉଛି ରବିନା ଟଣ୍ଡନଙ୍କର। ଏକଦା ଦୁହେଁ ପ୍ରେମରେ ଥିଲେ। ବ୍ରେକ୍ଅପ୍ ପରେ ରବିନା ଅଭିନେତାଙ୍କ ସହ କାମ କରିବାକୁ ମନା କରିଦେଇଥିଲେ। ଏବେ କିନ୍ତୁ ସେ ‘ଓ୍ବେଲକମ୍ ୩’ରେ ଅକ୍ଷୟଙ୍କ ସହ କାମ କରିପାରନ୍ତି ବୋଲି କୁହାଯାଉଛି।
ଦିନ ଥିଲା ଶିଳ୍ପା ସେଟ୍ଟୀ ଅକ୍ଷୟଙ୍କ ପ୍ରେମରେ ଉବୁଟୁବୁ ହେଉଥିଲେ। ହେଲେ ଦୁହେଁ ଅଲଗା ହେବା ପରଠାରୁ ଏକାଠି କାମ କରିବାକୁ ନାକ ଟେକୁଛନ୍ତି ସେ।
ଦିଶା ପଟାନୀ ଏକଦା ଅକ୍ଷୟଙ୍କ ମଲ୍ଟିଷ୍ଟାରର୍ ଫିଲ୍ମରେ କାମ କରିବାକୁ ମନା କରି ଚର୍ଚ୍ଚାକୁ ଆସିଥିଲେ। କାରଣ ସେ ଦ୍ୱିତୀୟ ନାୟିକା ହେବାକୁ ଚାହୁଁ ନ ଥିଲେ।
ପ୍ରିୟଙ୍କା ଚୋପ୍ରାଙ୍କ ସହ ସମ୍ପର୍କକୁ ପଦାକୁ ଆସିବା ପରେ ତାଙ୍କ ସହ ଅଭିନୟ କରିବାକୁ ଅଭିନେତ୍ରୀ ମନା କରିଥିଲେ। କଙ୍ଗନା ମଧ୍ୟ ଅକ୍ଷୟଙ୍କ ଫିଲ୍ମରେ କାମ କରିବାକୁ ଇଚ୍ଛା ନ ଥିବା କହିଛନ୍ତି।
ରାଣୀ ମୁଖାର୍ଜୀ-ଅକ୍ଷୟଙ୍କ ମଧ୍ୟରେ ଶୀତଳ ଯୁଦ୍ଧ ଏବେ ଯାଏ ଚାଲିଛି। ଏଣୁ ଅଭିନେତ୍ରୀ ଅକ୍ଷୟଙ୍କ ଫିଲ୍ମ କରି ନ ଥାନ୍ତି।
କରିସ୍ମା କପୁର ମଧ୍ୟ ଅକ୍ଷୟଙ୍କ ସହ ଫିଲ୍ମ କରିବାକୁ ମନା କରିଦେଇଥିଲେ।
