କେନ୍ଦୁଝର,୨୪।୧୧(ସ୍ବ.ପ୍ର.): କେନ୍ଦୁଝର ଜିଲା ସ୍ଥାନୀୟ ଓଡିଶା ଖଣି ଓ ଯାନ୍ତ୍ରିକ ବିଦ୍ୟାଳୟର ଖଣ୍ଡାଧାର ହଷ୍ଟେଲରେ ତୃତୀୟ ବର୍ଷର ଛାତ୍ର ଦ୍ୱିତୀୟ ବର୍ଷର ଛାତ୍ରଙ୍କୁ ରାଗିଂ କରିଥିଲେ। ଏହି ଘଟଣାରେ ବିଦ୍ୟାଳୟ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ା ହଷ୍ଟେଲର ୭୦ ଜଣ ପିଲାଙ୍କୁ ଏକ ହଜାର ଟଙ୍କା ଫାଇନ ସହିତ ଲାଇବ୍ରେରୀରୁ ପୁସ୍ତକ ନେବା ଉପରେ କଟକଣା ଲଗାଯାଇଥିବା ଜଣାପଡିଛି ା ପିଲାଙ୍କୁ ଶୃଙ୍ଖଳିତ ଅଧ୍ୟୟନ ପାଇଁ ବ୍ୟାପକ ସୁବିଧା ବିଦ୍ୟାଳୟ ପକ୍ଷରୁ କରାଯାଉଥିବା ସତ୍ତ୍ୱେ ଏଭଳି ଆଚରଣରୁ ବିରତ ରହିବା ପାଇଁ ସେମାନଙ୍କୁ ତାଗିଦ କରିବା ସହ ସେମାନଙ୍କଠାରୁ ଅଣ୍ଡରଟେକିଂ ଗ୍ରହଣ କରାଯାଇଥିବା ଅଧ୍ୟକ୍ଷ ଜ୍ଞାନ ରାୟ କହିଛନ୍ତି ା ସୂଚନାଯୋଗ୍ୟ, କିଛି ଦିନ ତଳେ ତୃତୀୟ ବର୍ଷର ଛାତ୍ରମାନେ ଦ୍ୱିତୀୟ ବର୍ଷର ଛାତ୍ରମାନଙ୍କୁ ଡକାଇ ବିଭିନ୍ନ ପ୍ରକାରର ପ୍ରଶ୍ନ ପଚରାଉଚରା କରିଥିଲେ ା ଖବରପାଇ ସୁପରିଟେଣ୍ଡେଣ୍ଟ ପହଞ୍ଚିିବାରୁ ସେମାନେ ସତର୍କ ହୋଇଯାଇଥିଲେ ା ଏହାକୁ ଭିତ୍ତିି କରି ଅଧ୍ୟକ୍ଷ କମିଟି ଗଠନ କରି ତଦନ୍ତ ଆଦେଶ ଦେଇଥିଲେ।
