ରାୟଗଡ଼ା ଅଫିସ/ରାମନାଗୁଡ଼ା,୧୪।୧୦ (ଡି.ଏନ୍.ଏ.): ରାୟଗଡ଼ା ଜିଲା ରାମନାଗୁଡ଼ା ବ୍ଲକ ଚାକୁଣ୍ଡା ଛକ ନିକଟସ୍ଥ ବୁଲାଣି ପାଖରେ ଏକ ପେପର ବୋଝେଇ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଛି। ଟ୍ରକ୍ ହେଲ୍ପର ଶିବ ଗୌଡ଼ ଏଥିରେ ଗୁରୁତର ହୋଇଛନ୍ତି।
ପ୍ରକାଶ ଯେ, ଜେକେ କାଗଜକଳରୁ ବାହାରି ଏକ ଟ୍ରକ୍ (ଓଡି-୧୮ବି-୧୪୪୯) କଟକ ଯାଉଥିଲା। ହଠାତ୍ ଭାରସାମ୍ୟ ହରାଇ ଚାକୁଣ୍ଡା ଛକ ବୁଲାଣି ନିକଟରେ ଓଲଟି ପଡ଼ିଥିଲା। ଟ୍ରକ୍ ଡ୍ରାଇଭର ବଳରାମ ବେହେରା ସପରିବାର ଉକ୍ତ ଟ୍ରକ୍ରେ ଯାଉଥିଲେ। କିନ୍ତୁ ଦୁର୍ଘଟଣାରେ କାହାର ବିଶେଷ କ୍ଷତି ହୋଇ ନ ଥିବା ଜଣାପଡ଼ିଛି। ବୁଲାଣିରେ ଟ୍ରକ୍ ଷ୍ଟିୟରିଂ ଜାମ୍ ହୋଇଯିବା କାରଣରୁ ଭାରସାମ୍ୟ ହରାଇ ଗାଡ଼ି ଓଲଟିପଡ଼ିଲା ବୋଲି ଡ୍ରାଇଭର କହିଛନ୍ତି। ରାମନାଗୁଡ଼ା ଫାଣ୍ଡି ଅଧିକାରୀ କୃତ୍ତିବାସ ହରିଚନ୍ଦନ ଘଟଣାସ୍ଥଳ ପହଞ୍ଚତ୍ ଆହତଙ୍କୁ ଉଦ୍ଧାରକରି ରାମନାଗୁଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି। ଗୁରୁତର ଶିବଙ୍କୁ ଗୁଣପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଛି।
