ନୂଆଦିଲ୍ଲୀ,୨୩ା୭: କକ୍ରୋଚ ଜନତା ପାର୍ଟି (ସିଜେପି)ର ସଂସ୍ଥାପକ ଅଭିଜିତ ଦୀପକେ ଗୁରୁବାର କେନ୍ଦ୍ରର ନରେନ୍ଦ୍ର ମୋଦି ସରକାରଙ୍କୁ କଡ଼ା ସମାଲୋଚନା କରିଛନ୍ତି। ଦିଲ୍ଲୀର ଜନ୍ତରମନ୍ତରକୁ ଏକ ‘ୱାର୍ ଜୋନ୍’ରେ ପରିଣତ କରାଯାଇଛି ବୋଲି ଅଭିଯୋଗ କରି ସେ ପ୍ରଧାନମନ୍ତ୍ରୀଙ୍କୁ ସିଧାସଳଖ ଚେତାବନୀ ଦେଇଛନ୍ତି ଯେ, ଯଦି ସେ ସମୟ ଥାଉଁ ଥାଉଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ନ ନିଅନ୍ତି, ତେବେ କଥା ଆପଣଙ୍କ ଇସ୍ତଫା ପର୍ଯ୍ୟନ୍ତ ଯିବ।
ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ୍ କରି ଅଭିଜିତ ଦୀପକେ କହିଛନ୍ତି ଯେ ଦେଶର କୋଟି କୋଟି ଛାତ୍ରଛାତ୍ରୀଙ୍କଠାରୁ ଜଣେ ଅଯୋଗ୍ୟ ଏବଂ ବିଫଳ ମନ୍ତ୍ରୀ କେବେ ହେଁ ବଡ଼ ହୋଇପାରିବେ ନାହିଁ। ଯଦି ସରକାର ଜଣେ ମନ୍ତ୍ରୀଙ୍କୁ ଏତେ ଗୁରୁତ୍ୱ ଦେଉଛନ୍ତି,ତେବେ ଆଗାମୀ ନିର୍ବାଚନରେ ଏହି ଛାତ୍ରମାନେ ଆଉ ଭୋଟ୍ ଦେବେ ନାହିଁ ବୋଲି ସେ ଚେତାବନୀ ଦେଇଛନ୍ତି।
VIDEO | Delhi: “It took PM 34 days to take notice, tweet; it’s shameful that government still protecting Dharmendra Pradhan”, says CJP Founder Abhijeet Dipke.
(Full video available on PTI Videos – https://t.co/n147TvrpG7) pic.twitter.com/Rth8TmB3p5
— Press Trust of India (@PTI_News) July 23, 2026
ସମାଚାର ଏଜେନ୍ସି ପିଟିଆଇର ତଥ୍ୟ ଅନୁଯାୟୀ, ଦୀପକେ କହିଛନ୍ତି ଯେ ପ୍ରଧାନମନ୍ତ୍ରୀ ପ୍ରଥମଥର ପାଇଁ ଏହି ପ୍ରତିବାଦକୁ ନେଇ କିଛି ପ୍ରତିକ୍ରିୟା ଦେଇଛନ୍ତି, ଯାହାକି ସରକାରଙ୍କ ଭୟକୁ ସ୍ପଷ୍ଟ କରୁଛି। ୨୦ରୁ ଅଧିକ ପିଲା ଆତ୍ମହତ୍ୟା କରିବା ସମୟରେ କିମ୍ବା ସୋନମ ୱାଙ୍ଗଚୁକ ଜୀବନ ବାଜି ରଖି ଅନଶନରେ ବସିଥିବା ସମୟରେ ପ୍ରଧାନମନ୍ତ୍ରୀଙ୍କ ମୁହଁରୁ କୌଣସି ପ୍ରତିକ୍ରିୟା ଆସି ନ ଥିଲା ବୋଲି ସେ କ୍ଷୋଭ ପ୍ରକାଶ କରିଛନ୍ତି। ସୋନମ ୱାଙ୍ଗଚୁକଙ୍କ ଅନଶନର ୨୬ ଦିନ ପୂରିଥିଲେ ମଧ୍ୟ ସରକାର ଏବେ ବି ଧର୍ମେନ୍ଦ୍ର ପ୍ରଧାନଙ୍କୁ ସୁରକ୍ଷା ଦେଉଥିବା ଅତ୍ୟନ୍ତ ଲଜ୍ଜାଜନକ ବୋଲି ସେ କହିଛନ୍ତି।
ଜନ୍ତରମନ୍ତରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯିବା ପ୍ରସଙ୍ଗରେ ସେ କହିଛନ୍ତି ଯେ ସେଠାରେ ଇଣ୍ଟରନେଟ୍ ସେବା ଠିକ୍ ଭାବେ କାମ କରୁନାହିଁ ଏବଂ ସରକାର ସେହି ଅଞ୍ଚଳକୁ ଏକ ଯୁଦ୍ଧକ୍ଷେତ୍ରରେ ପରିଣତ କରିଛନ୍ତି। ପେପର ଲିକ୍ ରୋକିବାରେ ଯେତିକି ପରିଶ୍ରମ କରାଯାଇଥାନ୍ତା, ସେତିକି ପରିଶ୍ରମ ବ୍ୟାରିକେଡ୍ ଲଗାଇବା ଏବଂ ପୋଲିସ ମୁତୟନ କରିବାରେ କରାଯାଇଛି ବୋଲି ସେ ବ୍ୟଙ୍ଗ କରିଛନ୍ତି। ଦିଲ୍ଲୀର କନଟ୍ ପ୍ଲେସ୍ ସମେତ ସାରା ଦେଶର ବିଭିନ୍ନ ସହର ଯଥା ମୁମ୍ବାଇ, ଜୟପୁର, ଭୋପାଳ, ଚେନ୍ନାଇ ଏବଂ ବାଙ୍ଗାଲୋରରେ ମଧ୍ୟ ଏହି ପ୍ରତିବାଦ ଜାରି ରହିଛି ବୋଲି ସେ ସୂଚନା ଦେଇଛନ୍ତି।