ନୂଆଦିଲ୍ଲୀ, ୨୯।୭: ଦିଲ୍ଲୀରେ ଗଣମାଧ୍ୟମ ସହ ଆଲୋଚନା ସମୟରେ ‘ସିଜେପି’ (CJP)ର ପ୍ରତିଷ୍ଠାତା ଅଭିଜୀତ ଦୀପକେ ସଙ୍କେତ ଦେଇଛନ୍ତି ଯେ ଯଦି ସରକାର ସେମାନଙ୍କ ଦାବି ଉପରେ ଉପଯୁକ୍ତ ପଦକ୍ଷେପ ଗ୍ରହଣ ନ କରନ୍ତି, ତେବେ ଆନ୍ଦୋଳନକୁ ପୁନର୍ବାର ଆରମ୍ଭ କରାଯାଇପାରେ। ତାଙ୍କୁ ଯେତେବେଳେ ପଚରାଗଲା ଯେ ସେମାନେ ନୂତନ ଭାବରେ ଆନ୍ଦୋଳନ ଆରମ୍ଭ କରିବେ କି, ସେତେବେଳେ ସେ କହିଥିଲେ, ‘ଆମେ ଏହାକୁ ଖୁବ ଶୀଘ୍ର କରିବୁ। ଯଦି ସରକାର କଥା ନ ମାନନ୍ତି ଏବଂ ପରିସ୍ଥିତିରେ ସୁଧାର ନ ଆଣନ୍ତି, ତେବେ ଆମକୁ ଏହା କରିବାକୁ ପଡ଼ିବ।’
ଦୀପକେଙ୍କ ଏହି ବୟାନକୁ ଆନ୍ଦୋଳନ ସମ୍ପର୍କିତ ଏକ ସ୍ପଷ୍ଟ ଚେତାବନୀ ଭାବରେ ଦେଖାଯାଉଛି। ସେ କହିଛନ୍ତି ଯେ ଯଦି ସରକାର ନିଜର ଦାୟିତ୍ୱଗୁଡ଼ିକୁ ପୁରଣ ନ କରନ୍ତି ଏବଂ ଲୋକଙ୍କ ଦାବିଗୁଡ଼ିକୁ ଅଣଦେଖା କରନ୍ତି, ତେବେ ଆନ୍ଦୋଳନକୁ ଭାଜପା ସାଂସଦ କଙ୍ଗନା ରାଣାୱତଙ୍କ ପକ୍ଷରୁ ଦିଆଯାଇଥିବା ବୟାନ ଉପରେ ମଧ୍ୟ ଅଭିଜୀତ ଦୀପକେ ପ୍ରତିକ୍ରିୟା ରଖିଛନ୍ତି। ଏହି ପ୍ରଶ୍ନର ଜବାବରେ ସେ କହିଛନ୍ତି, ‘ତାଙ୍କୁ ଗମ୍ଭୀରତାର ସହ କିଏ ବା ନିଏ?’
ସିଜେପି ପକ୍ଷରୁ କରାଯାଇଥିବା ଛାତ୍ର ଆନ୍ଦୋଳନରେ ସାମିଲ ଥିବା ପ୍ରଦର୍ଶନକାରୀଙ୍କ ବିରୁଦ୍ଧରେ ଅଭିନେତ୍ରୀ ତଥା ଭାଜପା ସାଂସଦ କଙ୍ଗନା ରାଣାୱତଙ୍କ ସୋସିଆଲ ମିଡ଼ିଆ ମନ୍ତବ୍ୟକୁ ନେଇ ବିବାଦ ଦେଖାଦେଇଛି; ଯେଉଁଥିରେ ସେ ଜେନ-ଜିଙ୍କୁ ‘ଗଟର’ ବୋଲି କହିଛନ୍ତି ଏବଂ ପ୍ରତିବାଦ-ପ୍ରଦର୍ଶନ ସହିତ ଜଡ଼ିତ ଭିଡ଼ିଓ ଦେଖି ବାନ୍ତି ଲାଗେ ବୋଲି ମତ ଦେଇଛନ୍ତି। ହିମାଚଳ ପ୍ରଦେଶର ମଣ୍ଡୀରୁ ଲୋକ ସଭା ସଦସ୍ୟ କଙ୍ଗନା ସୋମବାର ଇନଷ୍ଟାଗ୍ରାମରେ ଶେୟାର କରାଯାଇଥିବା ଏକ ପୋଷ୍ଟରେ ଜନ୍ତର-ମନ୍ତରରେ ହୋଇଥିବା ପ୍ରତିବାଦ-ପ୍ରଦର୍ଶନର ଭିଡ଼ିଓଗୁଡ଼ିକୁ ମଇଳା, ଅଳିଆ ଏବଂ ଅଭଦ୍ରତାର ପ୍ରଦର୍ଶନ ବୋଲି ବର୍ଣ୍ଣନା କରିଥିଲେ।