ଅହମଦାବାଦ,୨।୧୦ : ଆଗାମୀ ଗୁଜୁରାଟ ବିଧାନସଭା ନିର୍ବାଚନରେ ଆମ ଆଦମୀ ପାର୍ଟି (ଏଏପି) ସରକାର ଗଠନ କରିବାକୁ ଯାଉଛି। ଏହି କ୍ରମରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଦଳର ଜାତୀୟ ସମ୍ମିଳନୀକାରୀ ଅରବିନ୍ଦ କେଜରିୱାଲ କ୍ରମାଗତ ଭାବରେ ରାଜ୍ୟର ବିଭିନ୍ନ ସ୍ଥାନ ଗସ୍ତ କରୁଛନ୍ତି। ରବିବାର ସେ ରାଜକୋଟରେ ଗଣମାଧ୍ୟମକୁ ସମ୍ବୋଧିତ କରିଥିଲେ। ତାଙ୍କ ସହିତ ପଞ୍ଜାବର ମୁଖ୍ୟମନ୍ତ୍ରୀ ଭାଗଓ୍ବନ୍ତ ମାନ ମଧ୍ୟ ଉପସ୍ଥିତ ଥିଲେ। ଗୁଜରାଟର ଲୋକଙ୍କୁ ମୋର ଆବେଦନ ହେଉଛି ଏକ ଜୋରଦାର ଧକ୍କା ଦେବାର ଆବଶ୍ୟକତା ରହିଛି। ଯଦି ଶକ୍ତିଶାଳୀ ଧକ୍କା ହୁଏ ତେବେ ଉଭୟ ପଞ୍ଜାବ ଏବଂ ଦିଲ୍ଲୀର ରେକର୍ଡ ମଧ୍ୟ ଭାଙ୍ଗିଯିବ।
ସେ କହିଛନ୍ତି ଗୁଜରାଟରେ ଏଏପି ସରକାର ଗଠନ ହେବାକୁ ଯାଉଛି। ତେବେ ବିଜୟ ଅନ୍ତର ଟିକେ କମ୍ ରହିବାର ଆଶା ରହିଛି। ଏସମ୍ପର୍କରେ ଇଣ୍ଟେଲଜେନ୍ସ ରିପୋର୍ଟ ମିଳିଥିବା ସେ କହିଛନ୍ତି। ଏହି ରିପୋର୍ଟ ମିଳିବା ପରେ ଭାଜପା ଏବଂ କଂଗ୍ରେସର ଚିନ୍ତା ବଢ଼ି ଯାଇଛି। ଭାଜପା କଂଗ୍ରେସକୁ ସୁଦୃଢ଼ କରିବାର ପ୍ରୟାସ କରୁଛି। ଯାହାଦ୍ୱାରା ଆଣ୍ଟି ଭାଜପା ଭୋଟର ବିଭାଜନ ହୋଇ ପାରିବ।
