ମୁମ୍ବାଇ: ବଲିଉଡ ଅଭିନେତା ଆମିର ଖାନ ତାଙ୍କ ଫିଲ୍ମ ତଥା ବ୍ୟକ୍ତିଗତ ଜୀବନ ପାଇଁ ଅଧିକାଂଶ ସମୟରେ ହେଡଲାଇନରେ ରହିଥାଆନ୍ତି। ତେବେ ଆମିର ଦୀର୍ଘ ଦିନ ଧରି ହିନ୍ଦୀ ସିନେମାରୁ ନିଜକୁ ଦୂରେଇ ରଖିଛନ୍ତି ଏବଂ ପ୍ରଶଂସକମାନେ ତାଙ୍କ କମବ୍ୟାକକୁ ଅପେକ୍ଷା କରିଛନ୍ତି।ଏବେ ଖବର ଆସୁଛି ଯେ ଆମିର ଆଡଭୋକେଟ ଉଜ୍ଜ୍ୱଲ ନିକାମଙ୍କ ବାୟୋପିକରେ ଦେଖିବାକୁ ମିଳିବେ। ଏହି ଖବର ଶୁଣିବା ପରେ ପ୍ରଶଂସକମାନେ ବହୁତ ଏକ୍ସାଇଟେଡ ହୋଇଯାଇଛନ୍ତି।
ବଲିଉଡର ମିଷ୍ଟର ପରଫେକ୍ସନିଷ୍ଟ ଆମିର ଖାଁ ପ୍ରତ୍ୟେକ ଫିଲ୍ମରେ ଦର୍ଶକଙ୍କ ପାଇଁ କିଛି ଭିନ୍ନ ବିଷୟବସ୍ତୁ ଆଣିଥାନ୍ତି। ସେ ଅଧିକାଂଶ ଚଳଚ୍ଚିତ୍ରରେ କାମ କରିଛନ୍ତି ଯେଉଁଥିରେ ସମାଜ ବିଷୟରେ ନିଶ୍ଚିତ ଭାବରେ କିଛି ଲୁକ୍କାୟିତ ବାର୍ତ୍ତା ଅଛି। ତେବେ ଅଭିନେତାଙ୍କ ପୂର୍ବ ଫିଲ୍ମ ‘ଲାଲ ସିଂ ଚଡ୍ଡା’ ଫ୍ଲପ ହେବାପରେ ଆମିର ଫିଲ୍ମରୁ ବିରତି ନେବାକୁ ଘୋଷଣା କରିଥିଲେ। ବର୍ତ୍ତମାନ ଖବର ଆସୁଛି ଯେ ସେ କମବ୍ୟାକ କରିବାକୁ ପ୍ରସ୍ତୁତ ଅଛନ୍ତି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଅଭିନେତା ପୁଣି ଥରେ ବଡ ପରଦାକୁ ଫେରିବାକୁ ପ୍ରସ୍ତୁତ ଅଛନ୍ତି। ଖବର ଆସୁଛି ଯେ ଆଡଭୋକେଟ ଉଜ୍ଜ୍ୱଲ ନିକାମଙ୍କ ବାୟୋପିକରେ ମିଷ୍ଟର ପରଫେକ୍ସନିଷ୍ଟ ନଜର ଆସିପାରନ୍ତି। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅବିନାଶ ଅରୁଣ। ଅବିନାଶ ‘ପାତାଲ ଲୋକ’, ’ସ୍କୁଲ ଅଫ ଲାଇଜ’ ଏବଂ ‘କିଲା’ ଭଳି ମୁଭି ନିର୍ମାଣ କରିଛନ୍ତି।
ନିକଟରେ ଏକ ସାକ୍ଷାତକାରରେ ଆମିର କହିଛନ୍ତି, ‘ମୁଁ ଜାଣେ ନାହିଁ ଏହି ଜିନିଷ କିପରି ସାମ୍ନାକୁ ଆସିଛି କାରଣ ପ୍ରକୃତରେ ଏହି ଚଳଚ୍ଚିତ୍ରଟି ପ୍ରାରମ୍ଭିକ ପର୍ଯ୍ୟାୟରେ ଅଛି। ତେବେ ଏଡା ବିଷୟରେ କଥା ହେବା ଜଲଦବାଜି ହେବ। ମୋର କିଛି ଧାରଣା ଅଛି, କିନ୍ତୁ ଏପର୍ଯ୍ୟନ୍ତ ଏହା ବିଷୟରେ କୌଣସି ଠୋସ ପ୍ରମାଣ ନାହିଁ। ଏପର୍ଯ୍ୟନ୍ତ କିଛି କାମ ହୋଇନାହିଁ। ବର୍ତ୍ତମାନ କେବଳ ଆଲୋଚନା ଚାଲିଛି । ସୂଚନାଯୋଗ୍ୟ, ଆମିର ତାଙ୍କ ଆଗାମୀ ଫିଲ୍ମ ବିଷୟରେ ଏପର୍ଯ୍ୟନ୍ତ କୌଣସି ଅଫିସିଆଲ ଘୋଷଣା କରିନାହାଁନ୍ତି।
