ନୂଆଦିଲ୍ଲୀ,୧୮।୧ : ଆଧାର କାର୍ଡକୁ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଭାବେ ବିବେଚନା କରାଯାଏ । ଭାରତରେ, ଏହା ମୁଖ୍ୟତଃ ଅନେକ ଉଦ୍ଦେଶ୍ୟରେ ବ୍ୟବହୃତ ହୁଏ, କିନ୍ତୁ ଇପିଏଫଓର ଜନ୍ମ ଅପଡେଟ ପ୍ରକ୍ରିୟାରେ ଆଧାର କାର୍ଡକୁ ଏକ ଉପଯୁକ୍ତ ପ୍ରମାଣପତ୍ର ଭାବେ ବିଚାର କରାଯିବ ନାହିଁ । ଇପିଏଫଓ ଦ୍ୱାରା ଏନେଇ ଏକ ବଡ ଘୋଷଣା କରାଯାଇଛି। ଜନ୍ମ ପ୍ରମାଣ ପତ୍ର ଏବଂ ଜନ୍ମ ତାରିଖ ପାଇଁ ଆଧାର କାର୍ଡକୁ ଗ୍ରହଣ କରାଯିବ ନାହିଁ ।
ଏକ ରିପୋର୍ଟ ଅନୁଯାୟୀ, କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ଦ୍ୱାରା ଲୋକଙ୍କ ପାଇଁ ଏକ ଗାଇଡଲାଇନ ଜାରି କରାଯାଇଛି। ଏହା ଅନ୍ତର୍ଗତ ଆଧାର କାର୍ଡକୁ ଆଉ ଜନ୍ମ ପ୍ରମାଣ ପତ୍ର ଭାବରେ ଗ୍ରହଣ କରାଯିବ ନାହିଁ।
ପ୍ରକୃତରେ, ୟୁନିକ ଆଇଡେଣ୍ଟିଫିକେଶନ ଅଥରିଟି ଅଫ ଇଣ୍ଡିଆ (ୟୁଆଇଡିଏଆଇ) ଏକ ଚିଠିରେ କହିଛି ଜନ୍ମ ତାରିଖର ପ୍ରମାଣ ପାଇଁ ଆଧାର କାର୍ଡ ଗ୍ରହଣ କରାଯିବ ନାହିଁ। ଯଦି କେହି ଆଧାର ପ୍ରମାଣପତ୍ରର ତାରିଖ ଭାବରେ ଆଧାର ବ୍ୟବହାର କରନ୍ତି ତେବେ ତାଙ୍କର ଡକ୍ୟୁମେଣ୍ଟ ଗ୍ରହଣ କରାଯିବ ନାହିଁ । ଏହା ପରେ, ଇପିଏଫଓ ଏକ ସର୍କୁଲାର୍ ଜାରି କରି ଜନ୍ମ ପ୍ରମାଣ ପତ୍ରରୁ ଆଧାର କାର୍ଡକୁ ହଟାଇଛି।
ଜନ୍ମ ପ୍ରମାଣ ପତ୍ର ପାଇଁ ବ୍ୟବହାର କରାଯିବାକୁ ଥିବା ଡକ୍ୟୁମେଣ୍ଟଗୁଡିକ ମଧ୍ୟରେ ପାସପୋର୍ଟ, ପାନ କାର୍ଡ, ଏସଏସସି ସାର୍ଟିଫିକେଟ, ଜନ୍ମ ପ୍ରମାଣପତ୍ର, ମାର୍କସିଟ, ସ୍କୁଲ ଲିଭିଂ ପ୍ରମାଣପତ୍ର, ସ୍ଥାନାନ୍ତର ପ୍ରମାଣପତ୍ର,
ସରକାରଙ୍କ ଦ୍ୱାରା ଦିଆଯାଇଥିବା ଆବାସିକ ପ୍ରମାଣପତ୍ର, କେନ୍ଦ୍ର / ରାଜ୍ୟ ସରକାରୀ ସଂଗଠନର ସେବା ରେକର୍ଡ ଉପରେ ଆଧାରିତ ସାର୍ଟିଫିକେଟ, ଏହି ସମସ୍ତ ଦଲିଲ ଗୁଡିକୁ ଜନ୍ମ ପ୍ରମାଣ ପତ୍ର ଭାବେ ଗ୍ରହଣ କରାଯିବ। ଇପିଏଫଓ ପକ୍ଷରୁ ଏନେଇ ସର୍କୁଲାର ଜାରି କରାଯାଇଛି।
ଆଧାର କାର୍ଡ ଜନ୍ମ ତାରିଖ ପ୍ରମାଣପତ୍ର ଭାବରେ ଗ୍ରହଣ କରାଯାଇପାରିବ ନାହିଁ, କିନ୍ତୁ ଏହି ଡକ୍ୟୁମେଣ୍ଟକୁ ପ୍ରୁଫ ଅଫ ଆଇଡେଣ୍ଟିଟି ଏବଂ ପ୍ରୁଫ ଅଫ ଆଡ୍ରେସ ଭାବରେ ବ୍ୟବହାର କରହେବ। ୧୨ ଅଙ୍କ ବିଶିଷ୍ଟ ଆଧାର କାର୍ଡକୁ ୟୁନିକ ଆଇଡେଣ୍ଟିଫିକେଶନ ଅଥରିଟି ଅଫ ଇଣ୍ଡିଆ ଦ୍ୱାରା ଏହାକୁ ଏକ ଠିକଣା ପ୍ରୁଫ ଏବଂ ଆଇଡି ପ୍ରୁଫ ଭାବରେ ଗ୍ରହଣ କରାଯାଇଛି।
