ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ସେଥିମଧ୍ୟରୁ କିଛି ଭିଡିଓ ବେଶ୍ ହସର ଖୋରାକ ଯୋଗାଇଥାଏ। ଏବେ ସେମିତି ଏକ ମଜାଳିଆ ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଭାଇରାଲ ହେଉଛି। ଏହି ଭିଡିଓଟିକୁ ୧୦ ଘଣ୍ଟାରେ ୧୮ ମିଲିୟନରୁ ଅଧିକ ଲୋକ ଦେଖିସାରିଲେଣି। ଭିଡିଓଟି ଶେୟାର କରାଯାଇ ଏଥିରେ କ୍ୟାପ୍ଶନ ଲେଖାଯାଇଛି, ‘ହଜ୍ବ୍ୟାଣ୍ଡ୍ ଅଫ୍ ଦି ଇୟର’।
The husband of the year!pic.twitter.com/owyGhfmRnY
— Figen (@TheFigen_) January 30, 2024
‘ଏକ୍ସ’ରେ ପୋଷ୍ଟ ହୋଇଥିବା ଏହି ଭିଡିଓରେ ସ୍ପଷ୍ଟ ଭାବରେ ଦେଖାଯାଇଛି, ମହିଳା ଜଣକ ତାଙ୍କ ସ୍ବାମୀଙ୍କ ସହ ଚାଲିକି ଆସୁଛନ୍ତି। ମହିଳା ଜଣକ ଏକ ଶିଶୁକୁ ଧରିଥିବା ଦେଖିବାକୁ ମିଳିଛି। ଦୁହେଁ ରାସ୍ତାପାର୍ଶ୍ୱରେ କାର୍ ପାର୍କିଂ ନିକଟକୁ ଯାଉଛନ୍ତି। ମହିଳା ଜଣକ ପ୍ରଥମେ କାର୍ର ପଛ ସିଟ୍ରେ ବସିବା ପାଇଁ ଡୋର୍ ଖୋଲୁଛନ୍ତି। ସେ ସଙ୍ଗେ ସଙ୍ଗେ ଏହାକୁ ବନ୍ଦ କରି କାର୍ର ଅନ୍ୟ ପାର୍ଶ୍ୱକୁ ଯାଉଛନ୍ତି। ସେ ଅନ୍ୟ ପାର୍ଶ୍ୱରୁ ଗେଟ୍ ଖୋଲିବାକୁ ଚେଷ୍ଟା କରିବା ବେଳେ ସେ ମହିଳାଙ୍କ ସ୍ବାମୀ ସେଠାରୁ ଚାଲିଯାଉଛନ୍ତି। ମହିଳା ଜଣକ କିଛି ବୁଝିବା ପୂର୍ବରୁ ତାଙ୍କ ସ୍ବାମୀ କାର୍ ନେଇ ଚାଲିଗଲେ।
ବାସ୍ତବରେ ମହିଳା ଜଣକ ପ୍ରଥମେ କାର୍ର ଅନ୍ୟ ଡୋର୍ ଖୋଲିଥିଲେ। ସେ ଭୁଲ୍ ପାର୍ଶ୍ୱରେ ଥିବା ଅନୁଭବ କରିବା ମାତ୍ରେ ମହିଳା କାର୍ର ଅନ୍ୟ ପାର୍ଶ୍ୱକୁ ଚାଲିଗଲେ। ସେ କବାଟ ଖୋଲିବା ପୂର୍ବରୁ ତାଙ୍କ ସ୍ବାମୀ କାର ନେଇ ସେଠାରୁ ଚାଲିଯାଇଥିଲେ। ଭିଡିଓକୁ ଦେଖିଲେ ଦେଖାଯାଏ ଯେ, ଡ୍ରାଇଭିଂ ସିଟ୍ରେ ବସିଥିବା ବ୍ୟକ୍ତି ଭାବିଥିଲେ ମହିଳା ତାଙ୍କ କାର୍ରେ ବସିଛନ୍ତି। ମାତ୍ର ମହିଳା ଜଣକ କାର୍ରେ ବସି ନ ଥିଲେ। ଏହାପୂର୍ବରୁ ବ୍ୟକ୍ତି ଜଣକ କାର୍ ନେଇଯାଇଥିଲେ।
ଲୋକମାନେ ଏହି ଭିଡିଓ ଉପରେ ବିଭିନ୍ନ ମନ୍ତବ୍ୟ ଦେଇଛନ୍ତି। ଜୁନିଅର ନ୍ୟୁନେଜ ନାମକ ଏକ ଆକାଉଣ୍ଟରେ ଏହା ଶେୟାର କରାଯାଇଛି। କାର୍ର ଡୋର୍ ବନ୍ଦ ହେବା ଜାଣି ସେ ଚାଲିବା ଆରମ୍ଭ କରିଥିଲେ। ଜଣେ ୟୁଜର ଲେଖିଛନ୍ତି, ତାଙ୍କ ସ୍ବାମୀଙ୍କୁ ଫେରାଇ ଆଣନ୍ତୁ। ଆଉ ଜଣେ ୟୁଜର କହିଛନ୍ତି, ଏ ବର୍ଷର ଶ୍ରେଷ୍ଠ ସ୍ବାମୀ।
