ଦାରିଙ୍ଗବାଡି,୮।୭(ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ସିମନବାଡି ସରକାରୀ ଉଚ୍ଚ ବିଦ୍ୟାଳୟ ପରିସର ମଧ୍ୟରେ ବୁଧବାର ୭୭ତମ ବନ ମହୋତ୍ସବ ତଥା ମା’ଙ୍କ ପାଇଁ ଗଛଟିଏ କାର୍ଯ୍ୟକ୍ରମ ପାଳିତ ହୋଇଯାଇଛି। ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ସସ୍ମିତା ପ୍ରଧାନଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥିଭାବେ ଦାରିଙ୍ଗବାଡି ବନାଞ୍ଚଳ ଅଧିକାରୀ ଲଷ୍ମୀନାରାୟଣ ପଣ୍ଡା ଯୋଗଦେଇ ବୃକ୍ଷର ଆବଶ୍ୟକତା ବୁଝାଇଥିଲେ। ବୃକ୍ଷ ଆମକୁ ଜୀବନ ଦେବା ସହ ଛାଇ, ଫଳ, ଫୁଲ ଓ ଆବଶ୍ୟକ ସହାୟତା ସାମଗ୍ରୀ ପ୍ରଦାନ କରିଥାଏ। ବିଶେଷ କରି ଅମ୍ଳଜାନ ପ୍ରଦାନ କରୁଥିବା କହିବା ସହ ଛାତ୍ରୀଛାତ୍ରଙ୍କୁ ଜଳବାୟୁ, ବୃକ୍ଷ, ପରିବେଶ ସମ୍ପର୍କିତ ପ୍ରଶ୍ନ ଉତ୍ତର କରିଥିଲେ ଓ ଛାତ୍ରୀଛାତ୍ର, ବିଦ୍ୟାଳୟର ଶିକ୍ଷୟିତ୍ରୀଶିକ୍ଷକଙ୍କୁ ସଚେତନ କରାଇ ବ୍ୟାପକ ବୃକ୍ଷ0ରୋପଣ କରିବାକୁ ପରାମର୍ଶ ଦେଇଥିଲେ।
ଏହି ଅବସରରେ ବିଦ୍ୟାଳୟ ପରିସର ମଧ୍ୟରେ ଛାତ୍ରୀଛାତ୍ର, ଶିକ୍ଷୟିତ୍ରୀଶିକ୍ଷକ, ବନାଞ୍ଚଳ ଅଧିକାରୀ ଓ ଅନ୍ୟ କର୍ମଚାରୀ ପ୍ରାୟ ଦେଢ଼ ଶହ ଚାରା ରୋପଣ କରିଥିଲେ। ଆତ, ନିମ୍ବ, ଆମ୍ବ, ଜାମୁ, ଯାମି, ସମେତ ବିଭିନ୍ନ ପ୍ରକାର ଔଷଧୀୟ ଚାରାରୋପଣ କରାଯାଇଥିଲା। କାର୍ଯ୍ୟକ୍ରମରେ ଅନ୍ୟ ଅତିଥିଙ୍କ ମଧ୍ୟରେ ସିମନବାଡି ସେକ୍ସନର ବନପାଳ ବନିତା ପ୍ରଧାନ, ବନରକ୍ଷୀ ରାହୁଲ କୁମାର, କୁମୁଦ ଚନ୍ଦ୍ର ବେହେରା,ବନମାଳୀ ଗୌଡ଼ ପ୍ରମୁଖ ଯୋଗଦେଇ ଚାରାରୋପଣରେ ସହଯୋଗ କରିଥିଲେ। ସେହିପରି ବିଦ୍ୟାଳୟର ଖେଳ ଶିକ୍ଷକ ସାମନ୍ତ ପ୍ରଧାନଙ୍କ ସମେତ ଅନ୍ୟ ଶିକ୍ଷୟିତ୍ରୀଶିକ୍ଷକ ତଥା ସ୍ମିତାରାଣୀ ମହାପାତ୍ର, ରମାକାନ୍ତ ଦଣ୍ଡୁଆସି, ସାନିତା ପ୍ରଧାନ, ଦୀପ୍ତି ନାୟକ, ବର୍ଣ୍ଣମାଳା ପ୍ରଧାନ, ବନ୍ଦନା ଜେନା, ଶଙ୍କର ହରିପ୍ରସାଦ ସ୍ବାଇଁ, ସୋମ୍ୟରଞ୍ଜନ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।