କେନ୍ଦ୍ରାପଡ଼ା,୧୮ା୯(ଜଗନ୍ନାଥ ଧଳ): କେନ୍ଦ୍ରାପଡ଼ା ବ୍ଲକ ସଦର ଥାନା ଅନ୍ତର୍ଗତ ଗଣ୍ଡାକିଆ ରାସ୍ତାରେ ଶୁକ୍ରବାର ଏକ ଅଘଟଣ ଘଟିଛି।ଏହି ରାସ୍ତାର କଂସାରଠାରେ ଗଛଡାଳ ବାଇକ୍ ଉପରେ ପଡ଼ିବା ସହ ଭଙ୍ଗାଡାଳ ଜଣେ ଯୁବକଙ୍କ ପେଟରେ ଗଳିଯାଇଛି। ତାଙ୍କୁ ପ୍ରଥମେ ଜିଲା ମୁଖ୍ୟ ଚିକିତ୍ସାଳୟ ଓ ପରେ କଟକସ୍ଥ ଏକ ଘରୋଇ ମେଡିକାଲରେ ଚିକିତ୍ସା କରାଯାଉଛି।
କଂସାର ଗ୍ରାମର ଅଜୟ ପ୍ରଧାନଙ୍କ ପୁଅ ପବିତ୍ର (୨୨) ସକାଳେ କେନ୍ଦ୍ରାପଡ଼ା ସହରକୁ ବାଇକ୍ ଯୋଗେ ଆସୁଥିଲେ। ରାସ୍ତାରେ ଥିବା ଆକାଶୀଆ ଗଛର ଶୁଖିଲା ଡାଳ ତାଙ୍କ ବାଇକ୍ ଉପରେ ପଡିଥିଲା। ଏହି ଘଟଣା ପରେ ସ୍ଥାନୀୟ ଲୋକମାନେ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ନେଇଥିଲେ।
