ମୁଣ୍ଡବିହୀନ ମୃତ ଶିଶୁ ଜନ୍ମ

ଢେଙ୍କାନାଳ ଅଫିସ,୧୪।୫: ଗର୍ଭସ୍ଥ ସନ୍ତାନ ଯେପରି ସୁରକ୍ଷିତ ଭାବେ ଭୂମିଷ୍ଠ ହେବ ସେଥିଲାଗି ଦିନରାତି ଏକ୍‌ କରି ଦେଇଥିଲେ ଦମ୍ପତି। ଡାକ୍ତର ଯେଉଁଭଳି ପରାମର୍ଶ ଦେଉଥିଲେ, ସେଭଳି ଚିକିତ୍ସା କରାଉଥିଲେ। ଏଥିଲାଗି ସୁନାଗହଣା ବନ୍ଧକ ରଖିବାକୁ ମଧ୍ୟ ପଛେଇ ନ ଥିଲେ। ତେବେ ଗର୍ଭସ୍ଥ ସନ୍ତାନର ଶାରୀରିକ ଗଠନରେ ବିକୃତି ଥିବା ସତ୍ତ୍ୱେ ଅଲ୍‌ଟ୍ରାସାଉଣ୍ଡ ରିପୋର୍ଟ ଠିକ୍‌ ଥିବା କହିଥିଲେ ଡାକ୍ତର। ହେଲେ ଅସ୍ତ୍ରୋପଚାର ମାଧ୍ୟମରେ ହୋଇଥିବା ପ୍ରସବରେ ଜନ୍ମ ହୋଇଥିଲା ମୁଣ୍ଡବିହୀନ ଶିଶୁ। ଘରୋଇ ନର୍ସିଂହୋମ୍‌ ଡାକ୍ତରଙ୍କ ଚରମ ଅବହେଳା ଯୋଗୁ ଏଭଳି ଅଭାବନୀୟ ଘଟଣା ଘଟିଥିବା ଅଭିଯୋଗ କରିଛନ୍ତି ଢେଙ୍କାନାଳ ଜିଲା କାମାକ୍ଷାନଗର ବ୍ଲକ କୋଟଗରା ପଞ୍ଚାୟତ ଯୋଗୀଡ଼ିହ ଗ୍ରାମର ବାବୁନା ପଧାନ ଏବଂ ତାଙ୍କ ସ୍ତ୍ରୀ ସୁମିତ୍ରା। ଏ ସଂକ୍ରାନ୍ତରେ ଶନିବାର ରାତି ୮ଟାରେ ଅଭିଯୁକ୍ତ ଡାକ୍ତର ଖଗେଶ୍ୱର ବେହେରାଙ୍କ ନାମରେ ଟାଉନ ଥାନାରେ ଲିଖିତ ଅଭିଯୋଗ ହୋଇଛି। ପୋଲିସ ନଂ. ୩୨୬/୨୩ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଅନ୍ୟପଟେ ଡାକ୍ତର ଅଭିଯୋଗକୁ ଖଣ୍ଡନ କରିଛନ୍ତି।
ଅଭିଯୋଗ ଅନୁଯାୟୀ, ବାବୁନା ଏବଂ ସୁମିତ୍ରାଙ୍କ ଏକ ୫ ବର୍ଷର ଶିଶୁକନ୍ୟା ଅଛି। ଦ୍ୱିତୀୟ ଗର୍ଭରେ ସୁମିତ୍ରାଙ୍କ ମୃତ ସନ୍ତାନ ଜନ୍ମ ହୋଇଥିଲା। ଏହା ତାଙ୍କର ତୃତୀୟ ଗର୍ଭ ଥିବାବେଳେ ସ୍ତ୍ରୀଙ୍କ ଚିକିତ୍ସାରେ ସାମାନ୍ୟ ଅବହେଳା କରି ନ ଥିଲେ ବାବୁନା। ଗର୍ଭଧାରଣ ପରଠାରୁ ଢେଙ୍କାନାଳ ସହର ଶାସନ ଛକସ୍ଥିତ ଏକ ଘରୋଇ ନର୍ସିଂହୋମ୍‌ର ବରିଷ୍ଠ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଖଗେଶ୍ୱର ବେହେରାଙ୍କ ନିକଟରେ ସୁମିତ୍ରାଙ୍କ ଚିକିତ୍ସା କରାଉଥିଲେ। ୨୦୨୨ ନଭେମ୍ବର ୧୫, ଡିସେମ୍ବର ୨୪ ଏବଂ ୨୦୨୩ ମାର୍ଚ୍ଚ ୨୩ରେ ତିନି ଥର ଅଲ୍‌ଟ୍ରାସାଉଣ୍ଡ କରାଇଥିବାବେଳେ ରିପୋର୍ଟ ଠିକ୍‌ ଥିବା ସମ୍ପୃକ୍ତ ଡାକ୍ତର କହିଥିଲେ। ତେବେ ପ୍ରସବ ଯନ୍ତ୍ରଣା ଆରମ୍ଭ ହେବାରୁ ଡାକ୍ତର ଜଣକ ତାଙ୍କୁ କଟକ ନେଇଯିବାକୁ ପରାମର୍ଶ ଦେଇଥିଲେ। କଟକରେ ଏପ୍ରିଲ ୮ ଏବଂ ୧୦ରେ ସୁମିତ୍ରାଙ୍କ ପୁନର୍ବାର ଅଲଟ୍ରାସାଉଣ୍ଡ ସ୍କାନିଂ ଏବଂ ପଲ୍‌ସ ଡାଇଗ୍ନୋସିସ କରାଯାଇଥିଲା। ତେବେ ଉକ୍ତ ରିପୋର୍ଟରୁ ଗର୍ଭସ୍ଥ ଶିଶୁର ଶାରୀରିକ ଗଠନ ଅସମ୍ପୂର୍ଣ୍ଣ ଥିବା ଜଣାପଡ଼ିଥିଲା। ଇତିମଧ୍ୟରେ ଏପ୍ରିଲ ୧୧ରେ ସୁମିତ୍ରା ମୁଣ୍ଡବିହୀନ ମୃତ ସନ୍ତାନ ଜନ୍ମ ଦେଇଥିଲେ।
ନିଜ ପ୍ରତିକ୍ରିୟାରେ ବାବୁନା କୁହନ୍ତି, ସ୍ତ୍ରୀଙ୍କୁ ଚିକିତ୍ସା କରୁଥିବା ଡାକ୍ତର ସବୁକିଛି ଠିକ୍‌ଠାକ୍‌ ଥିବା କହୁଥିଲେ। ଦିନେ ସାମାନ୍ୟ ପାଣି ଜମିଯାଇଥିବା କହି କଟକ ପଠାଇଦେଇଥିଲେ। କଟକରେ କରାଯାଇଥିବା ଅଲଟ୍ରାସାଉଣ୍ଡ୍‌ ରିପୋର୍ଟରେ ଗର୍ଭସ୍ଥ ଶିଶୁର ମୁଣ୍ଡ ନ ଥିବା ଜଣାପଡ଼ିଥିଲା। କାହା ପାଖରେ ଚିକିତ୍ସା କରାଉଥିଲ ଯେ ଜାଣିପାରିଲ ନାହିଁ ବୋଲି ସେଠାକାର ଡାକ୍ତର ପାଲଟା ପଚାରିଥିଲେ। ସ୍ତ୍ରୀ ସୁମିତ୍ରାଙ୍କ ଅବସ୍ଥା ଗୁରୁତର ଥିବାରୁ ଅସ୍ତ୍ରୋପଚାର କରି ମୃତଶିଶୁକୁ ବାହାର କରାଯାଇଥିଲା। ଏଭଳି ଅବହେଳା କରିଥିବା ଡାକ୍ତରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଜିଲା ମୁଖ୍ୟ ଚିକିତ୍ସାଧିକାରୀଙ୍କୁ ଲିଖିତ ଭାବେ ଜଣାଇବା ସହ ଶନିବାର ଟାଉନ ଥାନାର ଦ୍ୱାରସ୍ଥ ହୋଇଥିବା ବାବୁନା କହିଛନ୍ତି।
ଅନ୍ୟପଟେ ଡାକ୍ତର ଖଗେଶ୍ୱର ତାଙ୍କ ବିରୋଧରେ ଆସିଥିବା ଅଭିଯୋଗକୁ ଅସ୍ବୀକାର କରିଛନ୍ତି। ସେ କହିଛନ୍ତି, ଦମ୍ପତିଙ୍କୁ ଠିକ୍‌ ସମୟରେ ଠିକ୍‌ ପରାମର୍ଶ ଦେଇ କଟକ ପଠାଇଥିଲେ। ସେମାନେ କଟକରେ କେଉଁ ଡାକ୍ତରଙ୍କୁ ପରାମର୍ଶ କଲେ ଜାଣିନାହାନ୍ତି।
ଏ ସଂକ୍ରାନ୍ତରେ ଜିଲା ମୁଖ୍ୟ ଚିକିତ୍ସାଧିକାରୀ ଡା. ଅଶୋକ କୁମାର ଦାଶ କୁହନ୍ତି, ଅଭିଯୋଗ ପାଇଛୁ। ଘଟଣାର ତଦନ୍ତ ପାଇଁ ଅତିରିକ୍ତ ଜିଲା ଚିକିତ୍ସାଧିକାରୀ (ମେଡିକାଲ)ଙ୍କୁ ଦାୟିତ୍ୱ ଦିଆଯାଇଛି। ତାଙ୍କଠାରୁ ରିପୋର୍ଟ ମିଳିବା ପରେ ଯାହା ପଦକ୍ଷେପ ନିଆଯିବ। ଟାଉନ ଥାନାଧିକାରୀ ରାଜେନ୍ଦ୍ର ମହାପାତ୍ର କୁହନ୍ତି, ଅଭିଯୋଗ ହୋଇଛି। ଘଟଣାର ତଦନ୍ତ କରାଯିବ।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?