ମୁମ୍ବାଇ,୧୯ା୮:ଭାରତୀୟ ଜୀବନ ବୀମା ନିଗମ (ଏଲ୍ଆଇସି) ପକ୍ଷରୁ ଏକ ସ୍ବତନ୍ତ୍ର ଅଭିଯାନ ‘ଅଚଳ ପଲିସିର ପୁନରାରମ୍ଭ’ ସମ୍ପର୍କରେ ଘୋଷଣା କରାଯାଇଛି। ଏଲ୍ଆଇସିର ବୀମା ହିତାଧିକାରୀମାନେ ଉକ୍ତ ଅଭିଯାନ ଜରିଆରେ ସେମାନଙ୍କର ଅଚଳ ହୋଇ ପଡିଥିବା ବୀମାଗୁଡିକର ପୁନଃ ଆରମ୍ଭ କରିପାରିବେ। ଏପରିକି ଅଚଳ ପିଲିସିଗୁଡିକୁ ପୁଣି ଥରେ ଚଳାଇବା ପାଇଁ ପଲିସିଧାରୀମାନେ ସକ୍ଷମ ହୋଇପାରିବେ। ଏହି ସ୍ବତନ୍ତ୍ର ଅଭିଯାନ ଅଗଷ୍ଟ ୧୭ରୁ ଅକ୍ଟୋବର ୨୧ ପର୍ଯ୍ୟନ୍ତ ଉପଲବ୍ଧ ରହିଛି। ବିଶେଷକରି ଏହା ସମସ୍ତ ଅଣ ୟୁଲିପି ପଲିସିଗୁଡିକ ଲାଗି ଉଦ୍ଦିଷ୍ଟ ବୋଲି ନିଗମ ପକ୍ଷରୁ କୁହାଯାଇଛି। ସେହିଭଳି ଆକର୍ଷଣୀୟ ରିହାତି ସାଙ୍ଗକୁ ବିଳମ୍ବ ଦେୟ ଦେଇ ହିତାଧିକାରୀ ଉକ୍ତ ସୁବିଧାର ଲାଭ ଉଠାଇପାରିବେ। ସେହିପରି ଅଣ ୟୁଲିପି ପଲିସି ବାଦ୍ ବାକି ସମସ୍ତ ପଲିସି କ୍ଷେତ୍ରରେ ମଧ୍ୟ ଏହା ଉଦ୍ଦିଷ୍ଟ ସାଙ୍ଗକୁ ଦେୟ ଖିଲାପର ୫ ବର୍ଷ ମଧ୍ୟରେ ହୋଇଥିଲେ ତା’ର ପୁନଃ ପ୍ରଚଳନ କରାଯାଇପାରିବ। ଅପରପକ୍ଷରେ ୧ ଲକ୍ଷ ଟଙ୍କା ପର୍ଯ୍ୟନ୍ତ ପ୍ରିମିୟମ ଗ୍ରହଣ କ୍ଷେତ୍ରରେ ରିହାତି ଲେଟ୍ ଫି ୨୫% ରହିଛି। ୧ଲକ୍ଷରୁ ୩ ଲକ୍ଷ ମଧ୍ୟରେ ପ୍ରିମିୟମ କ୍ଷେତ୍ରରେ ରିହାତି ଲେଟ୍ ଫି ୨୫% ଏବଂ ୩ ଲକ୍ଷରୁ ଅଧିକ ପ୍ରିମିୟମ କ୍ଷେତ୍ରରେ ୩୦% ରିହାତି ଲେଟ ଫି ବୀମାଧାରୀଙ୍କୁ ମିଳିବ ବୋଲି କୁହାଯାଇଛି। ଅଣୁ ବୀମା ପଲିସିଗୁଡିକ କ୍ଷେତ୍ରରେ ଲେଟ୍ ଫି ୧୦୦% ଛାଡ଼ କରାଯାଇଛି। ମେଡିକାଲ ଆବଶ୍ୟକତା କ୍ଷେତ୍ରରେ କୌଣସି ରିହାତି ଉପଲବ୍ଧ ହେବ ନାହିଁ। କୌଣସି କାରଣବଶତଃ ପ୍ରିମିୟମ ପ୍ରଦାନ କରିବାକୁ ସକ୍ଷମ ହୋଇ ନ ଥିବା ଏବଂ ପଲିସି ଲାପ୍ସ ହୋଇଯାଇଥିବା କ୍ଷେତ୍ରରେ ଏଭଳି ଏକ ଅଭିଯାନ ବୀମାଧାରୀଙ୍କ ପାଇଁ ଳାଭଦାୟକ ହେବ ବୋଲି ଏଲ୍ଆଇସି ପକ୍ଷରୁ କୁହାଯାଇଛି।
