ଛତ୍ରପୁର,୧୭ା୧୧(ଦିଲ୍ଲୀପ ସାମଲ): ଗଞ୍ଜାମ ଜିଲା ଛତ୍ରପୁରର ଅବକାରୀ ବିଭାଗ ଗାଡ଼ି ଶୁକ୍ରବାର ସକାଳେ ସିରିଜ୍ ଦୁର୍ଘଟଣା ଘଟାଇଛି।
ସୂଚନାରୁ ପ୍ରକାଶ ଯେ, ଓଡି ୦୭ ଏଏଚ ୯୨୫୬ ନମ୍ବର ବିଶିଷ୍ଟ ଏକ ବୋଲେରୋ ଯେଉଁଥିରେ ଅବକାରୀ ବିଭାଗ ଲେଖା ହୋଇଛି। ଉକ୍ତ ଗାଡ଼ି ଧରି ହୁମ୍ବର ଗାଁର ଡ୍ରାଇଭର ଆଶୋକ ଜେନା ଆଜି ସକାଳେ ଅବକାରୀ କାର୍ଯ୍ୟାଳୟକୁ ବାହାରିଥିଲେ। ତେବେ ଅଶୋକ ପ୍ରଥମେ ଛତ୍ରପୁର ରିକାପଲ୍ଲୀ, ପରେ ଜଗନ୍ନାଥ ମନ୍ଦିର ନିକଟରେ ଏବଂ ଶେଷରେ ଲୋଏର ବସଷ୍ଟାଣ୍ଡ ନିକଟରେ ଜଣେ ବାପା ତାଙ୍କ କୁନି ପୁଅକୁ ଧରି ଯାଉଥିବା ସମୟରେ ଦୁର୍ଘଟଣା ଘଟାଇଛନ୍ତି। ଖବର ପାଇ ଛତ୍ରପୁର ଥାନା ପୋଲିସ ଘଟଣାସ୍ଥଳକୁ ଆସି ଡ୍ରାଇଭର ଅଶୋକଙ୍କୁ ଧରି ଅଟକ ରଖି ତଦନ୍ତ ଚଳାଇଛି।
