ନୂଆଦିଲ୍ଲୀ,୬ା୩(ପି.ଟି.):ଲୋକ ସଭା ବାଚସ୍ପତି ଓମ୍ ବିର୍ଲାଙ୍କ ବିରୋଧରେ ବିପକ୍ଷ ଏମ୍ପିମାନେ ପକ୍ଷପାତ ଅଭିଯୋଗ ଆଣି ତାଙ୍କ ବହିଷ୍କାର ଦାବିରେ ନୋଟିସ ଦେଇଥିବାରୁ ଆସନ୍ତା ସୋମବାର ଆରମ୍ଭ ହେବାକୁ ଥିବା ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟରେ ଏକ ବିରଳ ମୁହୂର୍ତ୍ତ ଦେଖିବାକୁ ମିଳିବ। ବାଚସ୍ପତି ବିର୍ଲା ଗୃହ ପରିଚାଳନା ନ କରି ଏମ୍ପିମାନଙ୍କ ଗହଣରେ ବସିବେ। ଆସନ୍ତା ୯ରେ ବଜେଟ ଅଧିବେଶନ ଦ୍ୱିତୀୟ ପର୍ଯ୍ୟାୟ ଆରମ୍ଭରେ ବିର୍ଲାଙ୍କ ବହିଷ୍କାର ପ୍ରସ୍ତାବ ଉପରେ ଲୋକ ସଭାରେ ଆଲୋଚନା ହୋଇପାରେ। ନିୟମ ଅନୁଯାୟୀ ବିର୍ଲା ନିଜ ସପକ୍ଷରେ ଯୁକ୍ତି ରଖିବା ଏବଂ ପ୍ରସ୍ତାବ ବିରୋଧରେ ଭୋଟ ଦେବା ଅଧିକାର ପାଇବେ ବୋଲି ସମ୍ବିଧାନ ବିଶେଷଜ୍ଞ ପି.ଡି.ଟି. ଆଚାରୀ କହିଛନ୍ତି। ବିରୋଧୀ ଦଳ ବହିଷ୍କାର ନୋଟିସ୍ ଦାଖଲ କରିବା ଦିନ ବିର୍ଲା ଗୃହରେ ଅଧ୍ୟକ୍ଷତା କରିବା ବନ୍ଦ କରିଦେଇଥିଲେ।
Dharitri – Odisha’s No.1 Odia Daily
