ମୁମ୍ବାଇ,୨୫ା୨: ମୁମ୍ବାଇରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି। ଜଣେ ବ୍ୟକ୍ତି ଖାଲି ଯେ, ବିନା ଟିକେଟରେ ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦରରେ ପ୍ରବେଶ କରିନାହାନ୍ତି ବରଂ ଇଣ୍ଡିଗୋ ବିମାନର ଏରୋବ୍ରିଜ ନିକଟକୁ ମଧ୍ୟ ଚାଲିଯାଇଥିଲେ। ତାଙ୍କ ପାଖରେ ବୈଧ କାଗଜପତ୍ର ମଧ୍ୟ ନ ଥିଲା। ତେବେ ଶେଷ ମୁହୂର୍ତ୍ତରେ ସୁରକ୍ଷା ଏଜେନ୍ସି ଉକ୍ତ ବ୍ୟକ୍ତିଙ୍କୁ ଦେଖି ତାଙ୍କୁ ତୁରନ୍ତ ଗିରଫ କରିଥିଲେ। ତାଙ୍କୁ ପଚରାଉଚରା କରି ତାଙ୍କର ଉଦ୍ଦେଶ୍ୟ ବିଷୟରେ ଜାଣିବାକୁ ଚେଷ୍ଟା କରାଯାଉଛି।
ସୂଚନାନୁସାରେ, ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦରରେ ସୁରକ୍ଷା ଅଭାବ ରହିଛି। କାରଣ ଜଣେ ବ୍ୟକ୍ତି ବିନା ଟିକେଟ ଏବଂ ଡକ୍ୟୁମେଣ୍ଟରେ ଇଣ୍ଡିଗୋ ଏରୋବ୍ରିଜରେ ନିକଟକୁ କିପରି ଗଲେ ତାହା ପ୍ରଶ୍ନବାଚୀ ସୃଷ୍ଟି କରିଛି। ଯେତେବେଳେ ହଠାତ୍ ସୁରକ୍ଷା ଏଜେନ୍ସିର କର୍ମଚାରୀମାନେ ତାଙ୍କୁ ଦେଖିଲେ, ସେ ସଙ୍ଗେ ସଙ୍ଗେ ଧରା ପଡ଼ିଗଲେ। କୁହାଯାଉଛି, ଏହି ଘଟଣା ଶୁକ୍ରବାର ଘଟିଛି। ଯିଏ କି ଅନ୍ତର୍ଜାତୀୟ ବିମାନବନ୍ଦରର ସମସ୍ତ ସୁରକ୍ଷା କର୍ଡନକୁ ଅବମାନନା କରି ଭିତରକୁ ପ୍ରବେଶ କରିଛନ୍ତି। ତାଙ୍କ ନାମ ମହମ୍ମଦ ଇଶା ବୋଲି ଜଣାପଡ଼ିଛି। ମହମ୍ମଦ ବିମାନବନ୍ଦରରେ ପ୍ରବେଶ କରି ଇଣ୍ଡିଗୋ ବିମାନର ଏରୋବ୍ରିଜ ନିକଟରେ ପହଞ୍ଚିଥିଲେ।
ବିମାନବନ୍ଦରରେ ପ୍ରବେଶ କରିଥିବା ବ୍ୟକ୍ତି ମହମ୍ମଦ ଇଶାଙ୍କ ବିଷୟରେ ସୂଚନା ପାଇବା ମାତ୍ରେ ସମସ୍ତ ସୁରକ୍ଷା ଏଜେନ୍ସି ସତର୍କ ହୋଇଯାଇଥିଲେ। ଏଟିଏସ୍ ଏବଂ ଅନ୍ୟାନ୍ୟ ସୁରକ୍ଷା ଏଜେନ୍ସି ମହମ୍ମଦ ଇଶାଙ୍କୁ ପଚରାଉଚରା କରିଛନ୍ତି। ପଚରାଉଚରା ପରେ ମହମ୍ମଦ ଇଶାଙ୍କୁ ସ୍ଥାନୀୟ ପୋଲିସ ହସ୍ତାନ୍ତର କରାଯାଇଛି। ବର୍ତ୍ତମାନ ପୋଲିସ ଅଧିକ ଅନୁସନ୍ଧାନ କରିବ ଏବଂ ଏସମ୍ପର୍କରେ ଜାଣିବ। ପୋଲିସ କହିଛି ଯେ, ଅଭିଯୁକ୍ତ ମାନସିକ ସ୍ତରରେ ଦୁର୍ବଳ, କିନ୍ତୁ ପୋଲିସ ସବୁ ଦିଗରୁ ତଦନ୍ତ କରୁଛି।
କିଛି ସପ୍ତାହ ପୂର୍ବରୁ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ (ଆଇଜି) ବିମାନବନ୍ଦର (ଦିଲ୍ଲୀ)ର ସୁରକ୍ଷା ଉଲ୍ଲଂଘନ ହେବାର ଖବର ଆସିଥିଲା। ଜଣେ ବ୍ୟକ୍ତି ରନ୍ଓ୍ବେରେ ଆସିଥିଲେ। ସୁରକ୍ଷା ଦାୟିତ୍ୱରେ ଥିବା କେନ୍ଦ୍ରୀୟ ଶିଳ୍ପ ସୁରକ୍ଷା ବଳ (ସିଏସ୍ଏଫ) ଏହି ମାମଲାରେ ଡ୍ୟୁଟି ଅବହେଳା ପାଇଁ ଜଣେ ହେଡ କନଷ୍ଟେବଳଙ୍କୁ ନିଲମ୍ବିତ କରିଛି। ସୀମା ଅତିକ୍ରମ କରି ରନ୍ଓ୍ବେକୁ ଆସିଥିବା ବ୍ୟକ୍ତି ମଦ୍ୟପାନ କରିଥିଲେ। ଏୟାର ଇଣ୍ଡିଆର ବିମାନର ଜଣେ ପାଇଲଟ ତାଙ୍କୁ ଶନିବାର ରାତିରେ ତାଙ୍କୁ ରନ୍ଓ୍ବେରେ ଦେଖିଥିଲେ। ପାଇଲଟ ତୁରନ୍ତ ଏୟାର ଟ୍ରାଫିକ କଣ୍ଟ୍ରୋଲ (ଏଟିସି)୍କୁ ସୂଚନା ଦେଇଥିଲେ, ଜଣେ ବ୍ୟକ୍ତି ବିମାନ ଆଗକୁ ଯାଇଥିଲେ। ତୁରନ୍ତ ସିଏସ୍ଏଫକୁ ସୂଚନା ଦିଆଯାଇଥିଲା।
