କବିସୂର୍ଯ୍ୟନଗର,୨୮ା୫( କୃପାସିନ୍ଧୁ ସ୍ବାଇଁ)- ବେଗୁନିଆପଡା ଥାନା ଅନ୍ତର୍ଗତ ଗୋପାଳପୁର ଗ୍ରାମରେ ଘଟିଛି ଏକ ହତ୍ୟାକାଣ୍ଡ। ସ୍ବାମୀଙ୍କୁ ଟାଙ୍ଗିଆରେ ହାଣିବା ପରେ ଇଟାରେ ମୁଣ୍ଡକୁ ଛେଚି ମାରିଛନ୍ତି ସ୍ତ୍ରୀ। ଧରା ନ ପଡ଼ିବାକୁ ସେ ମଙ୍ଗଳବାରରୁ ସ୍ବାମୀଙ୍କ ମୃତଦେହ ଘର ଭିତରେ ଲୁଚାଇ ରଖିଥିଲେ। ମୃତକ ହେଲେ ନାରାୟଣ ଭୂୟାଁ । ଖବରରୁ ଜଣାପଡିଛି, ଗୋପାଳପୁର ଗ୍ରାମର ନାରାୟଣ ଓ ସ୍ତ୍ରୀ ରୀନାଙ୍କ ମଧ୍ୟରେ ଦୀର୍ଘ ବର୍ଷ ହେଲା ପାରିବାରିକ କଳହ ଲାଗିରହିଥିଲା। ଦୁହେଁ ଅଲଗା ଅଲଗା ଘରେ ରହି ଆସୁଥିଲେ। ତେବେ ମଙ୍ଗଳବାର କିଛି କଥାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତ୍ତେଜିତ ହୋଇ ରୀନା ନାରାୟଣଙ୍କୁ ଟାଙ୍ଗିଆ ଆଉ ଇଟାରେ ଆକ୍ରମଣ କରିଥିଲେ। କାଳେ ନାରାୟଣ ବଞ୍ଚତ୍ଥିବେ ମନେ କରି ସେ ମୁଣ୍ଡକୁ ପଥରରେ ଛେଚିଥିଲେ। ଫଳରେ ନାରାୟଣଙ୍କ ମୃତ୍ୟୁ ଘଟିଥିଲା। ମାତ୍ର ଧରା ନ ପଡିବାକୁ ସେ ସ୍ବାମୀଙ୍କ ମୃତଦେହ ଲୁଚାଇ ରଖିଥିଲେ। ଏ ସମ୍ପର୍କରେ ବେଗୁନିଆପଡ଼ା ପୋଲିସ ସୂଚନା ପାଇ ଘଟଣା ସ୍ଥଳରେ ପହଞ୍ଚତ୍ ମୃତଦେହ ଜବତ କରିଛି। ଅଭିଯୁକ୍ତ ସ୍ତ୍ରୀ ରୀନାଙ୍କୁ ଥାନାରେ ଅଟକ ରଖି ପଚରାଉଚରା କରୁଛି। ମୃତଦେହ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଯାଇଛି। ବ୍ୟବଚ୍ଛେଦ ପରେ ଘଟଣା ସ୍ପଷ୍ଟ ହେବ ବୋଲି ଆଇଆଇସି ଭଗବାନ ପୂଜାରୀ କହିଛନ୍ତି l
