ମୁରିବାହାଲ,୫ା୪(ଡ଼.ଏନ.ଏ.): ବଲାଙ୍ଗୀର ଜ଼ିଲା ମୁରିବାହାଲ ଥାନା ଡୁଡୁକାପଡା ଗ୍ରାମରେ ଗ୍ରାମ୍ୟ ପରିମଳ ବିଭାଗ ପାଣ୍ଠିରେ ଗଭୀର କୂଅ ଖନନ କାର୍ଯ୍ୟରେ ନିୟୋଜିତ ଜେସିବି ଡ୍ରାଇଭର ସିନ୍ଧେକେଲା ଥାନା ପାଣ୍ଡ୍ରିପାଏନ ହଁସପଡାର ପଦ୍ମନ ହସ (୨୪) ଙ୍କ କାର୍ଯ୍ୟସ୍ଥଳରେ ଗତ ଫେବୃଆରୀ ୧୬ ତାରିଖରେ ମୃତ୍ୟୁ ଘଟିଥିଲା। ପରିବାର ଏହା ଏକ ହତ୍ୟା ମାମଲା ବୋଲି ମୁରିବାହାଲ ଥାନାରେ ଅଭିଯୋଗ କରିଥିଲେ। ଫେବୃଆରୀ ୧୭ ତାରିଖରେ ଏଡାକୁ ନେଇ ବଙ୍ଗୋମୁଣ୍ଡା-ସିନ୍ଧେକେଲା ରାସ୍ତା ଅବରୋଧ କରାଯାଇଥିଲା। ଘଟଣା ଘଟିବାକୁ ଦେଢମାସରୁ ଊର୍ଦ୍ଧ୍ୱ ସମୟ ବିତିଗଲାଣି। ହେଲେ ପୋଲିସ ମୃତ୍ୟୁ ରହସ୍ୟ ଉନ୍ମୋଚନ କରି ନାହିଁ। ଏହି ବିଷୟକୁ ନେଉ ମଙ୍ଗଳବାର ମୁରିବାହାଲ ବ୍ଲକ ଯାଦବ ସମାଜ ତରଫରୁ ଥାନା ଅଧିକାରୀ କମଲ ଲୋଚନ ବେହେରାଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଯାଦବ ସମାଜ ବ୍ଲକ ସଭାପତି ତୀର୍ଥ ହାତୀଙ୍କ ନେତୃତ୍ୱରେ ଯାଦବ ସମାଜର ପ୍ରକଳ୍ପ ବିଭାଗ ରାଜ୍ୟ ସଭାପତି ଲଷ୍ମଣ ବାଗ, ଜିଲା ଯାଦବ ମହାସଭା ସଭାପତି ପରମାନନ୍ଦ ହାତୀ, ଜିଲା ସଂଯୋଜକ ମନୋଜ କୁମାର ହାତୀ, ବଙ୍ଗୋମଣ୍ଡା ବ୍ଲକ ସଭାପତି ରାଧେଶ୍ୟାମ କେତକୀ, ସମ୍ପାଦକ ମୁନିରାମ ନାଗ, ମୁରିବାହାଲ ବ୍ଲକ ଯୁବ ଯାଦବ ସଭାପତି ଗଙ୍ଗାଧର ହେର୍ଣ୍ଣା, ଅର୍ଦ୍ଧେନ୍ଧୁ ଶେଖର ଯାଦବ ପ୍ରମୁଖଙ୍କ ନେତୃତ୍ୱରେ କାର୍ଯ୍ୟକର୍ତ୍ତା ଉଚିତ ତଦନ୍ତ ସହ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି। ଆଗାମୀ ୧୫ ଦିନ ମଧ୍ୟରେ ଏ ନେଇ ପଦକ୍ଷେପ ନ ନେଲେ ମୁରିବାହାଲ ଥାନା ଘେରାଉ କରାଯିବ ବୋଲି ଚେତାବନୀ ସେମାନେ ଦେଇଛନ୍ତି। ତଦନ୍ତ କରି ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲ ଥାନା ଅଧିକାରୀ ବେହେରା ପ୍ରତିଶ୍ରୁତି ଦେଇ୍ରଛନ୍ତି।
