ନୂଆଦିଲ୍ଲୀ,୧୭।୭: ବେଙ୍ଗାଲୁରୁରେ ବିରୋଧୀ ଦଳର ବୈଠକକୁ ଭାଜପା ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ ଟାର୍ଗେଟ କରିଛନ୍ତି। ସେ ଏହି ବୈଠକକୁ ସୁବିଧାବାଦୀମାନଙ୍କର ଏକ ମିଳନ ବୋଲି କହିଛନ୍ତି। ଏହା କେବଳ ଏକ ‘ଦିଅ ଏବଂ ନିଅ’ ମେଣ୍ଟ। ଏହି ସୁବିଧାବାଦୀ ସହଯୋଗୀତା କେତେ ବାଟ ଯିବ ବୋଲି ସେ ପ୍ରଶ୍ନ କରିଛନ୍ତି। ଏହା ସହିତ ରବିଶଙ୍କର ମଧ୍ୟ କଂଗ୍ରେସ ଉପରେ ଆକ୍ରମଣ କରି ଦିଲ୍ଲୀ ବନ୍ୟା ଏବଂ ପଶ୍ଚିମବଙ୍ଗ ପଞ୍ଚାୟତିରାଜ ନିର୍ବାଚନ ସମୟରେ ହିଂସା ଉପରେ ଦଳ ଚୁପ ରହିଥିବା ଅଭିଯୋଗ କରିଛନ୍ତି। ଏହି ସମୟରେ ବେଙ୍ଗାଲୁରୁ ବିରୋଧୀ ଦଳର ଏକ ବୈଠକ ହେଉଛି, କିନ୍ତୁ କେଜ୍ରିୱାଲ ଦିଲ୍ଲୀବାସୀଙ୍କୁ ବନ୍ୟାରେ ଛାଡି ସେଠାକୁ ଯିବା ଦୁଃଖଦାୟକ ବୋଲି ସେ କହିଛନ୍ତି।
