ହାଇଦ୍ରାବାଦ୍,୨୭।୭: ସରକାରୀ ଅଧିକାରୀଙ୍କ ଉଦାସୀନ ମନୋଭାବ ଦ୍ୱାରା ଅନେକ ସମୟରେ ସାଧାରଣ ଲୋକ ଅସୁବିଧାରେ ପଡ଼ନ୍ତି। ଅନେକ ଥର ଉଚ୍ଚ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ ମଧ୍ୟ କରାଯାଉଥିଲେ ମଧ୍ୟ ପରିସ୍ଥିତି ସୁଧୁରୁ ନାହିଁ। ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ପୌରପାଳିକାର ଅଧିକାରୀଙ୍କ ଅବହେଳାରେ ବ୍ୟଥିତ ହୋଇ ଜଣେ ବ୍ୟକ୍ତି ସାପକୁ ମ୍ୟୁନିସିପାଲିଟି ଅଫିସରେ ଛାଡିଥିଲେ। ଏହି ଘଟଣାର ଭିଡିଓ ହାଇଦ୍ରାବାଦ ଭାଜପା ଯୁବ ନେତା ବିକ୍ରମ ଗୌଡ ଟୁଇଟର୍ରେ ଶେୟାର କରିଛନ୍ତି। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
କୁହାଯାଉଛି ଯେ, ହାଇଦ୍ରାବାଦର ଅଲୱାଲରେ ବର୍ଷା ସମୟରେ ସାପ ଜଣଙ୍କ ଘରେ ପ୍ରବେଶ କରିଥିଲା। ସେ ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ (ଜିଏଚଏମସି) ଅଧିକାରୀଙ୍କୁ ଅନେକ ଥର ଡାକି ସାପକୁ ଧରିବାକୁ ଅନୁରୋଧ କରିଥିଲେ। ଅନେକ ଥର ଅଭିଯୋଗ କରିବା ପରେ ମଧ୍ୟ କେହି ଶୁଣି ନ ଥିଲେ, ସେ ସାପଟିକୁ ଧରି ମ୍ୟୁନିସିପାଲିଟି କର୍ପୋରେସନର ୱାର୍ଡ କାର୍ଯ୍ୟାଳୟକୁ ଆଣି ସେଠାରେ ଛାଡି ଦେଇଥିଲେ।
ଭାଜପା ନେତା ବିକ୍ରମ କହିଛନ୍ତି, କଳ୍ପନା କରନ୍ତୁ ଯେ ବ୍ୟକ୍ତି ଜଣକଙ୍କ ପରିସ୍ଥିତି କ’ଣ ନ ହୋଇ ଥିବ, ଯାହା ଫଲରେ ଏହି ପଦକ୍ଷେପ ନେବାକୁ ପଡ଼ିଛି। ଭିଡିଓରେ ଏହା ମଧ୍ୟ ସ୍ପଷ୍ଟ ଭାବରେ ଦେଖାଯାଇପାରେ ଯେ ଏକ ସାପ ଅଫିସ ଟେବୁଲ ଉପରେ ପଡ଼ିଛି, ଯାହା ଆଗକୁ ବଢିବାକୁ ଚେଷ୍ଟା କରୁଛି।
A resident released a snake in the GHMC ward office at Alwal, Hyderabad after officials failed to respond to his complaint. The snake had entered his home during the rain.
Imagine how compelled he must have been that he had to take this step.#TwitterTillu constantly extols… pic.twitter.com/lXgcpA3kir
— Vikram Goud (@VikramGoudINC) July 26, 2023
