ହାଟଡିହୀ,୪l୫(ଶୁଭକାନ୍ତ ନାୟକ): ପଶ୍ଚିମବଙ୍ଗରେ ଭାଜପାର ବାଜିମାତକୁ ନେଇ କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ରର ହାଟଡିହୀଠାରେ ସୋମବାର ସନ୍ଧ୍ୟାରେ ଭାଜପା ବିଜୟ ଉତ୍ସବ ପାଳନ କରିଛି । ଭାଜପା କର୍ମୀମାନେ ବାଣ ଫୁଟାଇ ଏବଂ ପରସ୍ପରକୁ ମିଠା ଖୁଆଇଥିଲେ। ମମତାଙ୍କ ଗଡ଼ରେ ପ୍ରଧାନମନ୍ତ୍ରୀ ମୋଦିଙ୍କ ଫ୍ୟାକ୍ଟର ଜନତା ଜନାର୍ଦନଙ୍କ ଆସ୍ଥା ଏବଂ ବିଶ୍ୱାସର ପ୍ରତୀକ ବୋଲି କର୍ମୀ ମାନେ ପ୍ରକାଶ କରିଥିଲେ । ଭାଜପା କର୍ମୀ ହରମୋହନ ଶାସିନୀ ଏବଂ ଯୁଧିଷ୍ଠିର ମଲିକଙ୍କ ନେତୃତ୍ୱରେ ବହୁ ସଂଖ୍ୟାରେ କର୍ମୀମାନେ ଏକଜୁଟ ହୋଇଥିଲେ । ମରୈଗାଁ ଠାରୁ ଛେନାପଦୀ ପର୍ଯ୍ୟନ୍ତ କର୍ମୀମାନେ ସ୍ଲୋଗାନ ଦେଇ ଚାଲି ଚାଲି ଯାଇଥିଲେ । ସ୍ଲୋଗାନ ଏବଂ ବାଣ ଶବ୍ଦରେ ସ୍ଥାନୀୟ ଅଞ୍ଚଳ ଉତ୍ସବ ମୁଖର ହୋଇ ପଡିଥିଲା । ତୃପ୍ତିମୟୀ ଜେନା, ସୁଶାନ୍ତ ଜେନା,ତପସ୍ବିନୀ ସାମନ୍ତରାୟ, କନକଲତା ଜେନା, ଦୀପକ ଜେନା,ଚନ୍ଦନ ସାହୁ, ହରେକୃଷ୍ଣ ସ୍ବାଇଁ,ରୁଦ୍ର ଜେନା, ବିଜୟଲକ୍ଷ୍ମୀ ଜେନା, ଭୀମସେନ ପେରେଇ, ସୁନୀଲ ନାୟକ,କହ୍ନେଇ ଓଝା, ବିଜୟ ଜେନା ପ୍ରମୁଖଙ୍କ ସମେତ ବହୁ ସଂଖ୍ୟାରେ ଭାଜପା କର୍ମୀ ଏକଜୁଟ ହୋଇଥିଲେ।