ଜମନକିରା,୧୨।୧୨(ଡି.ଏନ.ଏ.): ସମ୍ବଲପୁର ଜିଲା ଜମନକିରା ଥାନା ଗୌଡପାଲି ଫାଣ୍ଡି ଅନ୍ତର୍ଗତ ମେଣ୍ଢାବହାଲ ଗାଁରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଜନ୍ତୁ ଶିକାର କରିବାକୁ ଯାଇ ଶିକାରୀ ଗୁଳିରେ ଶିକାରୀଙ୍କ ମୃତ୍ୟୁ ଘଟିଛି। ମୃତକ ହେଲେ କୁଚିଣ୍ଡା ଥାନା ଶିରିଡ଼ି ଗ୍ରାମର ରାଜେନ୍ଦ୍ର କିଶାନ (୩୦)। ଖବରପାଇ ଜମନକିରା ପୋଲିସ ୪ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରୁଛି। ତେବେ ତଦନ୍ତରେ ବାଧା ଉପୁଜିବା ଭାବି ତଥ୍ୟ ପ୍ରଦାନ କରୁନଥିବା ଜଣାପଡିଛି।
ସୂଚନାଯୋଗ୍ୟ,ଜମନକିରା ବ୍ଲକ କୁଚିଣ୍ଡା ଥାନା ଶିରିଡ଼ି ଗାଁର ରାଜେନ୍ଦ୍ର ନିଜ ଶଶୁର ଘର ମେଣ୍ଢାବହାଲ ଗାଁକୁ ଲକ୍ଷ୍ମୀ ଯାତ୍ରା ଦେଖିବା ଯାଇଥିଲେ। ରବିବାର ରାତିରେ ସେହି ଗାଁରୁ ୫ ଜଣ ଯୁବକ ମିଶି ଜନ୍ତୁ ଶିକାର ପାଇଁ ଜଙ୍ଗଲକୁ ଯାଇ ହାକା କରି ଜନ୍ତୁଙ୍କୁ ଚାରିଆଡ଼େ ଘେରି ରଖିଥିଲେ। ଏହି ସମୟରେ ବନ୍ଧୁକ ଧରିଥିବା ଚୂଡ଼ାମଣି କିସାନ (୩୫) ଦୂରରେ ଥିବା ରାଜେନ୍ଦ୍ରଙ୍କୁ ଜନ୍ତୁ ଭାବି ଗୁଳି ଚଳାଇଥିଲେ। ଫଳରେ ରାଜେନ୍ଦ୍ରଙ୍କ ଦେହରେ ଗୁଳି ବାଜି ଘଟଣାସ୍ଥଳରେ ଟଳି ପଡିଥିଲେ। ସୋମବାର ସକାଳେ ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି। ଅନ୍ୟପଟେ, ପୋଲିସ ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇବା ବ୍ୟବସ୍ଥା କରୁଛି।
