ପ୍ରେମିକଙ୍କୁ ଫସାଇବା ପାଇଁ ୩୦ ଫେକ୍ ଆକାଉଣ୍ଟ ଖୋଲିଥିଲେ ପ୍ରେମିକା, ପରେ ଯାହା ଘଟିଲା ଜାଣିଲେ…
05 ପ୍ରେମିକ ହୁଅନ୍ତୁ କି ପ୍ରେମିକା। ଏମାନଙ୍କ ମଧ୍ୟରୁ ଯଦି କେହି ପ୍ରେମରେ ବିଫଳ ହେଲେ ତେବେ ରାଗ ଶୁଝାଇବା ପାଇଁ କିଏ କେତେ କ’ଣ ଉପାୟ ପାଞ୍ଚିଥାନ୍ତି। ଠିକ୍ ଏପରି ଏକ ମାମଲା ସାମ୍ନାକୁ ଆସିଛି, ଯେଉଁଠାରେ ଜଣେ ଯୁବତୀ ତାଙ୍କ ପୂର୍ବ ପ୍ରେମିକକୁ ବଦନାମ କରିବା ଏବଂ ହଇରାଣ କରିବା ପାଇଁ ଭିନ୍ନ ଏକ ପଦକ୍ଷେପ ନେଇଥିଲେ। ଯାହା ଫଳରେ ଯୁବକ ଜଣଙ୍କ ଜେଲ୍ ଯାଇଥିଲେ। ପ୍ରେମ ପାଇଁ ପ୍ରତିଶୋଧ ନେବାକୁ ଯୁବତୀ ଜଣକ ସୋସିଆଲ ମିଡିଆର ସାହାଯ୍ୟ ନେଇଥିଲେ। ସେ ତାଙ୍କ ପୂର୍ବତନ ପ୍ରେମିକଙ୍କ ନାମରେ ୩୦ଟି ନକଲି ଇନ୍ଷ୍ଟାଗ୍ରାମ ଆକାଉଣ୍ଟ ତିଆରି କରିଥିଲେ। ସେହି ଆକାଉଣ୍ଟରୁ ନିଜକୁ ଧମକପୂର୍ଣ୍ଣ ବାର୍ତ୍ତା ପଠାଉଥିଲେ। ଏହା ସହିତ ପୂର୍ବତନ ପ୍ରେମିକ ତାଙ୍କୁ ହତ୍ୟା କରିବାକୁ ଚାହୁଁଛନ୍ତି ବୋଲି ଅଭିହିତ କରିଥିଲେ। ଏହି ଘଟଣା ତାଙ୍କ ପୂର୍ବ ପ୍ରେମିକଙ୍କ ଜୀବନକୁ କଷ୍ଟକର କରିଦେଇଛି। ଫଳରେ ପ୍ରେମିକ ଅବସାଦଗ୍ରସ୍ତ ହୋଇଥିଲେ। ଏପରିକି ତାଙ୍କୁ ଚାକିରି ହରାଇ ଜେଲ ଯିବାକୁ ପଡ଼ିଲା।
ବ୍ରିଟେନର ଲିଭରପୁଲରେ ରହୁଥିବା ୨୦ ବର୍ଷୀୟା କୋର୍ଟନି ଆୟର୍ଲାଣ୍ଡ ଏବଂ ଆଇନ୍ସଓ୍ବର୍ଥରେ ରହୁଥିବା ୨୨ ବର୍ଷୀୟ ଲୁଇସ ଜଲି ପରସ୍ପରକୁ ଭଲ ପାଉଥିଲେ। ତେବେ ଗତ ବର୍ଷ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା। ଦୁହିଁଙ୍କ ମଧ୍ୟରେ ବିବାଦ ଏତେ ବଢ଼ି ଯାଇଥିଲା ଯେ, ସେମାନେ ଅଲଗା ହୋଇଯାଇଥିଲେ।
ଏକ ରିପୋର୍ଟ ଅନୁଯାୟୀ, ଜଲିଙ୍କୁ ଜେଲ୍ ପଠାଇବା ଏବଂ ନିଜକୁ ମାରିବା ଭଳି ଧମକପୂର୍ଣ୍ଣ ବାର୍ତ୍ତା ପଠାଇବା ପାଇଁ କୋର୍ଟନି ୩୦ଟି ନକଲି ଇନ୍ଷ୍ଟାଗ୍ରାମ ଆକାଉଣ୍ଟ ତିଆରି କରିଥିଲେ। ଏହା ସହିତ ସେ ପୋଲିସକୁ ଏକ ବିବୃତ୍ତି ଦେଇଛନ୍ତି ଯେ, ଜଲିଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା, ଅଶ୍ଳୀଳ ମନ୍ତବ୍ୟ ଏବଂ ହଇରାଣ ହରକତ କରିଛନ୍ତି। ଯେତେବେଳେ ପୋଲିସ କୋର୍ଟନିଙ୍କ କଥା ଶୁଣୁଥିଲା, ଜଲିଙ୍କୁ ୮୧ ଘଣ୍ଟା ପାଇଁ ଅଟକ ରଖାଯାଇଥିଲା। ଏହି ଘଟଣା ଯୋଗୁ ଜଲି ଚାକିରି ହରାଇଲେ।
ପୋଲିସ ସାମ୍ନାରେ ଜଲି ତାଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗକୁ ଅସ୍ବୀକାର କରି ଏକ ମାମଲା ଦାୟର କରିଥିଲେ। ଯେତେବେଳେ କୋର୍ଟରେ ଏହି ମାମଲାର ଶୁଣାଣି ହୋଇଥିଲା, ସେତେବେଳେ ଜଲିଙ୍କ ଦ୍ୱାରା ପଠାଯାଇଥିବା ଇନ୍ଷ୍ଟାଗ୍ରାମ ମେସେଜ ଉପରେ କୋର୍ଟ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ। ସେହି ବାର୍ତ୍ତାଗୁଡ଼ିକର ଅନୁସନ୍ଧାନ କରାଯାଇଥିଲା ଏବଂ ସତ୍ୟ ବାହାରିଲା। ବାସ୍ତବରେ, ଅନୁସନ୍ଧାନରେ ଏହା ସ୍ପଷ୍ଟ ହୋଇଗଲା ଯେ, ଏହି ସମସ୍ତ ମେସେଜ କୋର୍ଟନିଙ୍କ ମୋବାଇଲରୁ ଛଡ଼ାଯାଇଛି। ଏହି ସମସ୍ତ ମେସେଜର ସମାନ ଠିକଣା ଅଛି।
ଏହି ଷଡ଼ଯନ୍ତ୍ରରେ କୋର୍ଟନିଙ୍କ ନୂଆ ପ୍ରେମିକ ମଧ୍ୟ ଜଡିତ ଥିଲେ। କୋର୍ଟନି ପରେ ଏସବୁ ଭୁଲ ସ୍ବୀକାର କରିବା ସହ କ୍ଷମା ମାଗିଛନ୍ତି। କୋର୍ଟ ମଧ୍ୟ ନିଜ ଭୁଲ ପାଇଁ ଜଲିଙ୍କୁ କ୍ଷମା ମାଗିଛନ୍ତି।