ନୂଆଦିଲ୍ଲୀ,୨୬ା୬: ଆଜି ଅର୍ଥାତ୍ ୨୬ ଜୁନ୍ରୁ ନୂଆ ‘ଟେଲିକମ୍ୟୁନିକେଶନ କାନୁନ୍ ୨୦୨୩) ସମଗ୍ର ଦେଶରେ ଲାଗୁ ହୋଇଛି। ଏବେ ଏଥିରେ ବଡ଼ ପରିବର୍ତ୍ତନ ଦେଖିବାକୁ ମିଳିବ। ଏବେ ଭାରତୀୟମାନେ ଅତି ବେଶିରେ ଜୀବନକାଳ ମଧ୍ୟରେ ମାତ୍ର ୯ଟି ସିମ୍ ନେଇପାରିବେ। ଏଥିସହିତ ନକଲି ସିମ୍ ନେଲେ ୩ ବର୍ଷ ଜେଲ୍ ଦଣ୍ଡ ସହ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଜରିମାନା ଗଣିବେ। ଏହି ନୂଆ ନିୟମ ସରକାରଙ୍କ ରାଷ୍ଟ୍ରୀୟ ସୁରକ୍ଷା କାରଣରୁ ସମସ୍ତ ଟେଲିକମ୍ ସର୍ଭିସ୍ ତଥା ନେଟ୍ଓ୍ବର୍କ୍କୁ ହଟାଇବା ଏବଂ ମ୍ୟାନେଜମେଣ୍ଟକୁ ସସ୍ପେଣ୍ଡ କରିବାର ଅନୁମତି ରହିଛି।
ନୂତନ ଟେଲି ଯୋଗାଯୋଗର କାର୍ଯ୍ୟକାରିତା ସହିତ ଏହି ନିୟମ ବର୍ତ୍ତମାନ କାର୍ଯ୍ୟକାରୀ ହୋଇଛି ଯେ, ଭାରତର କୌଣସି ନାଗରିକ ୯ରୁ ଅଧିକ ସିମ୍ କାର୍ଡ ପାଇପାରିବେ ନାହିଁ। ଏଥିସହ ଜମ୍ମୁ କାଶ୍ମୀର ଏବଂ ଉତ୍ତର-ପୂର୍ବ ରାଜ୍ୟର ଲୋକମାନେ କେବଳ ସର୍ବାଧିକ ୬ଟି ସିମ୍ କାର୍ଡ ନେଇପାରିବେ। ଏହାଠାରୁ ଅଧିକ ସିମ୍ କିଣିବା ପାଇଁ ଉପଭୋକ୍ତାଙ୍କୁ ପ୍ରଥମ ଥର ପାଇଁ ୫୦୦୦୦ଟଙ୍କା ଏବଂ ଦ୍ୱିତୀୟ ଥର ପାଇଁ ୨ ଲକ୍ଷ ଟଙ୍କା ଜରିମାନା କରାଯିବ। ଏହା ବ୍ୟତୀତ ଏକ ନକଲି ସିମ୍ କିଣିବା ପାଇଁ ୫୦ ଲକ୍ଷ ଟଙ୍କା ଏବଂ କିମ୍ବା ୩ ବର୍ଷ ଜେଲଦଣ୍ଡ ହେବ।
ନୂତନ ନିୟମ ଅନୁଯାୟୀ, ବର୍ତ୍ତମାନ ବାଧ୍ୟତାମୂଳକ କରାଯାଇଛି ଯେ; ସାମଗ୍ରୀ ଏବଂ ସେବା ପାଇଁ ବିଜ୍ଞାପନ ଏବଂ ପ୍ରୋତ୍ସାହନମୂଳକ ଏସ୍ଏ୍ଏସ୍ ପଠାଇବା ପୂର୍ବରୁ କମ୍ପାନୀମାନଙ୍କୁ ପ୍ରଥମେ ସେମାନଙ୍କ ସମ୍ମତି ହାସଲ କରିବାକୁ ପଡ଼ିବ। ଆଇନରେ ଏହା ମଧ୍ୟ କୁହାଯାଇଛି ଯେ, ଟେଲିକମ ସେବା ପ୍ରଦାନ କରୁଥିବା କମ୍ପାନୀକୁ ଏକ ଅନ୍ଲାଇନ୍ ମେକାନିଜିମ ସୃଷ୍ଟି କରିବାକୁ ପଡ଼ିବ। ଯେଉଁଠାରେ ଉପଭୋକ୍ତାମାନେ ଅନ୍ଲାଇନ୍ରେ ସେମାନଙ୍କର ଅଭିଯୋଗ ଦାଖଲ କରିପାରିବେ। ଏହି ଟେଲିକମ୍ ବିଲ ୨୦ ଡିସେମ୍ବର ୨୦୨୩ରେ ଲୋକ ସଭା ଏବଂ ପରେ ୨୧ ଡିସେମ୍ବରରେ ରାଜ୍ୟ ସଭା ଦ୍ୱାରା ପାରିତ ହୋଇଥିଲା। ପରେ ଏହାକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦସ୍ତଖତ ସହିତ ଆଇନରେ ପରିଣତ କରାଯାଇଥିଲା। ଏହି ଆଇନରେ ସମୁଦାୟ ୬୨ଟି ବିଭାଗ ଅଛି, ସେଥିମଧ୍ୟରୁ କେବଳ ୩୯ଟି ବିଭାଗ କାର୍ଯ୍ୟକାରୀ ହେଉଛି।
