ମତେ ସିକ୍ରେଟ ଡେଟିଂରେ ଡାକିଥିଲେ ଜଣେ ପ୍ରସିଦ୍ଧ ବଲିଉଡ ଅଭିନେତା: ନାମ ନ ନେଇ ଇଶାରା ଦେଲେ କଙ୍ଗନା ରାଣାଓ୍ବତ…

ମୁମ୍ବାଇ : ଅଭିନେତ୍ରୀ କଙ୍ଗନା ରାନାୱତ ସୋସିଆଲ ମିଡିଆରେ ବହୁତ ସକ୍ରିୟ ରହିଥାନ୍ତି। ଏହି ପ୍ଲାଟଫର୍ମ ମାଧ୍ୟମରେ ପ୍ରଶଂସକମାନଙ୍କୁ ତାଙ୍କ ଚଳଚ୍ଚିତ୍ର ବିଷୟରେ ସୂଚନା ଦେବା ବ୍ୟତୀତ ଅଭିନେତ୍ରୀ ତଥା ଅଭିନେତାଙ୍କ ଅନ୍ୟାନ୍ୟ ବିଷୟ ଉପରେ ମଧ୍ୟ ଆଲୋଚନା କରୁଥିବା ନଜର ଆସିଥାନ୍ତି। ଏହା ବ୍ୟତୀତ ସେ ପ୍ରସିଦ୍ଧ ବଲିଉଡ ତାରକାମାନଙ୍କ ପର୍ଦ୍ଦାଫାଶ କରିବାରେ ମଧ୍ୟ ପାରଙ୍ଗମ। ବଲିଉଡ ଦଳ ଏବଂ ଆତ୍ମୀୟତା ଉପରେ ସର୍ବଦା ସ୍ବର ଉତ୍ତୋଳନ କରୁଥିବା କଙ୍ଗନା ନିକଟରେ ଜଣେ ବଲିଉଡ ଅଭିନେତାଙ୍କୁ ଟାର୍ଗେଟ କରିଛନ୍ତି। କଙ୍ଗନା କାହାର ନାମ ନ ନେଇ କହିଛନ୍ତି ଜଣେ ସୁପରଷ୍ଟାର ତାଙ୍କୁ ସିକ୍ରେଟ ଡେଟିଂରେ ଡାକିଥିଲେ। କେବଳ ଏତିକି ନୁହେଁ, ପୁଣି ଥରେ ଇଶାରାରେ ସେ ହ୍ରିତିକ ରୋଶନଙ୍କ ପ୍ରତି ଆକ୍ଷେପ କରିଛନ୍ତି।

ହ୍ରିତିକ ରୋଶନଙ୍କ ସହ ହୋଇଥିବା ସମ୍ପର୍କ ବିଷୟରେ କଙ୍ଗନା ରାଣାୱତ ପୁଣି ଥରେ ପର୍ଦ୍ଦାଫାଶ କରିଛନ୍ତି। କଙ୍ଗନା ନିଜ ଇନଷ୍ଟାଗ୍ରାମ ଷ୍ଟୋରୀରେ ଗୋଟିଏ ପରେ ଗୋଟିଏ ପୋଷ୍ଟ ଶେୟାର କରିଛନ୍ତି। ତାଙ୍କ ଆକାଉଣ୍ଟ ହ୍ୟାକ ହୋଇଥିବା ମଧ୍ୟ ଅଭିନେତ୍ରୀ ଦାବି କରିଛନ୍ତି। ଅଭିନେତ୍ରୀ ଲେଖିଛନ୍ତି, ଫିଲ୍ମ ମାଫିଆ ସର୍ବଦା ଅପରାଧିକ କାର୍ଯ୍ୟକଳାପରେ ଜଡିତ ରହିଆସିଛି। ପରେ ମୁଁ ଡେଟ କରିଥିବା ସୁପରଷ୍ଟାର ଦାବି କରିଥିଲେ ମୁଁ ତାଙ୍କ ଛଦ୍ମନାମକାରୀଙ୍କ ସହ ଡେଟ କରୁଛି। ମୋ ସହିତ ଚାଟ କରିବା ପାଇଁ ସେ ବିଭିନ୍ନ ନମ୍ବର ଏବଂ ଆକାଉଣ୍ଟ ବ୍ୟବହାର କରୁଥିଲେ। ସେ ମୋ ଆକାଉଣ୍ଟକୁ ହ୍ୟାକ କରି ବେଆଇନ କାର୍ଯ୍ୟ କରିଥିଲେ। ମୁଁ ଭାବିଥିଲି ସେ ଛାଡପତ୍ର ଦେବାକୁ ଯାଉଛନ୍ତି, କିନ୍ତୁ ପରେ ମୁଁ ଜାଣିଲି ତାଙ୍କର ସନ୍ଦେହଜନକ ଆଚରଣ ସହିତ ଏହାର କୌଣସି ସମ୍ପର୍କ ନାହିଁ ।

କେବଳ ଏତିକି ନୁହେଁ, କଙ୍ଗନା ଏକ ଫିଲ୍ମର ବକ୍ସ ଅଫିସରେ ସଂଗ୍ରହ କରିବାବେଳେ ‘ଫିଲ୍ମ ମାଫିଆ’ କିପରି କାର୍ଯ୍ୟ କରେ ତାହା ମଧ୍ୟ ଉଲ୍ଲେଖ କରିିଛନ୍ତି।

ଏହା ପରେ ଅଭିନେତ୍ରୀ ଅନ୍ୟ ଏକ ଇନଷ୍ଟା କାହାଣୀରେ ଲେଖିଛନ୍ତି, ଅନ୍ୟ ଜଣେ ସୁପରଷ୍ଟାର, ଯିଏକି ୱୋମାନାଇଜର ନାମରେ ଜଣାଶୁଣା, ମୋ ଘରକୁ ଆସି ମୋତେ ସିକ୍ରେଟ ଡେଟିଂ କରିବାକୁ କହିଥିଲେ। କିନ୍ତୁ ତାଙ୍କ ସହିତ ସାକ୍ଷାତକୁ ସମ୍ପୂର୍ଣ୍ଣ ଗୁପ୍ତ ରଖିବାକୁ ସେ ମତେ କହିଥିଲେ। ଯେତେବେଳେ ମୁଁ ଏହି ସନ୍ଦେହଜନକ ଆଚରଣର କାରଣ ପଚାରିଲି, ସେ କହିଥିଲେ ସେ ଜଣେ ‘ପାପା କି ପରୀ’କୁ ଡେଟ କରୁଛନ୍ତି ଯାହାକୁ ସେ ପ୍ରେମ କରୁ ନ ଥିଲେ। ମୁଁ ଏହି ପ୍ରସ୍ତାବକୁ ଗ୍ରହଣ କରି ନ ଥିଲି ଏବଂ ଡେଟିଂ ପାଇଁ ମନା କଲି। ଏହା ପରେ ସେ ବିଭିନ୍ନ ନମ୍ବରରୁ କଲ କରିବା ଆରମ୍ଭ କଲେ। ମୁଁ ତାଙ୍କର ସମସ୍ତ ନମ୍ବରକୁ ବ୍ଲକ କଲି୍‌। ତା’ପରେ ମୁଁ ଅନୁଭବ କଲି ସେ ମୋର ସମସ୍ତ ଡିଭାଇସ ହ୍ୟାକ କରିଛନ୍ତି। ସେ ଏହା ମଧ୍ୟ କହିଥିଲେ ତାଙ୍କ ବିବାହ ନକଲି ଏବଂ ବଚା ଫିଲ୍ମର ପ୍ରମୋଶନ ପାଇଁ ଏକ ଯୋଜନା।

କଙ୍ଗନା କାହାର ନାମ ନେଇ ନାହାଁନ୍ତି, କିନ୍ତୁ ତାଙ୍କର ଏହି ପୋଷ୍ଟ ରଣବୀର କପୁର ଏବଂ ଆଲିଆଙ୍କ ସହ ଯୋଡି ଦେଖାଯାଉଛି।