ରାଜନଗର,୨୮ା୧୧(ଡି.ଏନ.ଏ.): ଭିତରକନିକା ଜାତୀୟ ଉଦ୍ୟାନକୁ ସଂଲଗ୍ନ କରୁଥିବା ହଂସୁଆ ନଦୀ ତଟରୁ ଏକ ମୃତ ଅଣ୍ଡିରା ବଉଳା କୁମ୍ଭୀର ରବିବାର ଜବତ କରାଯାଇଥିଲା ା ରାଜନଗର ଗୋପାଳପୁର ଲୁଣା ଘେରିବନ୍ଧର ବିଜୁଳିଆ ନିକଟରୁ ଏହି ମୃତ କୁମ୍ଭୀର ଭାସୁଥିଲା ା ପ୍ରତ୍ୟୁଷରୁ ସ୍ଥାନୀୟ ଲୋକେ ନଦୀ ପାର୍ଶ୍ୱକୁ ଆସି କୁମ୍ଭୀର ଭାସୁଥିବା ଦେଖି ରାଜନଗର ବନବିଭାଗକୁ ଖବର ଦେଇଥିଲେ। ବନବିଭାଗ କର୍ମଚାରୀମାନେ ମୃତ କୁମ୍ଭୀରକୁ ଜବତ କରିବା ସହ ତାର ଶବ ବ୍ୟବଚ୍ଛେଦ କରିଛନ୍ତି ା ମୃତ କୁମ୍ଭୀରର ଲମ୍ବ ୧୭ ଫୁଟ ୮ ଇଞ୍ଚ ହୋଇଥିବା ବେଳେ ତାର ମୋଟେଇ ୭ ଫୁଟ ୪ଇଞ୍ଚ। ଏହି ବିରାଟକାୟ କୁମ୍ଭୀରଟି କେଉଁ ପରିସ୍ଥିତିରେ ମଲା ଏହାକୁ ନେଇ ବନବିଭାଗ ତଦନ୍ତ କରୁଛି ା ଏସିଏଫ୍ ପୁନମହୀରା ହାଁସଦାଙ୍କ ଉପସ୍ଥିତିରେ ପ୍ରାଣୀ ଚିକିସତ୍ାଧିକାରୀ କିଶୋର କୁମାର ସାହୁ ଶବ ବ୍ୟବଚ୍ଛେଦ କରିଥିଲେ। କୁମ୍ଭୀର ପେଟରୁ ଗୋଟିଏ କୁକୁର, ଝୋଟ ଅଖା ଓ ଦୁଇଟି କଳା ପଲିଥିନ ବାହାରିଛି ା ଶବ ବ୍ୟବଚ୍ଛେଦ ପରେ ଏହି କୁମ୍ଭୀରକୁ ସଂସାରଫଳ ନର୍ସରୀରେ ପୋତି ଦିଆଯାଇଛି। ମଲା କୁକୁରକୁ କେହି ଝୋଟ ଅଖାରେ ପୁରାଇ ନଈକୁ ଫିଙ୍ଗି ଦେଇଥିଲେ ା ଅଖା ସହ କୁକୁରକୁ କୁମ୍ଭୀର ଗିଳିବା ପରେ ତାର ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି। କୁମ୍ଭୀରର ଦେହରେ ଅନ୍ୟ କୌଣସି ଚିହ୍ନ ନ ଥିବାରୁ କୁକୁରକୁ ଗିଳିବା ପରେ ତାର ମୃତ୍ୟୁ ହୋଇଥିବା ସନ୍ଦେହ କରାଯାଉଛି ା
