ଝାରସୁଗୁଡା/ ଲଖନପୁର,(ଆଶିଷ ରଞ୍ଜନ ଦାଶ /ଗୌତମ ସାହୁ/)୨୩।୨:ଜାତୀୟ ରାଜପଥ ୪୯ରେ ଘଟିଥିବା ମର୍ମନ୍ତୁଦ ସଡ଼କ ଦୁର୍ଘଟଣାରେ ପ୍ରାଣ ହରାଇଥିବା ପାଞ୍ଚ ଜଣ ପୋଲିସ କର୍ମଚାରୀଙ୍କ ମଧ୍ୟରେ ରହିଛନ୍ତି ଲଖନପୁର ବ୍ଲକ ସରେଇପାଲି ଗ୍ରାମର କାଶୀରାମ ଭୋଇ। ବାପା ଟିକେଶ୍ୱର ଏବଂ ମାଁ ନିରାସୀ ଭୋଇଙ୍କ ଏକ ମାତ୍ର ପୁଅ କାଶୀରାମ ଥିବାବେଳେ ଦୁଇ ଝିଅ ଅଛନ୍ତି। ଗତ ୨୦୨୩ ଫେବୃଆରୀ ୨୩ ତାରିଖ ଦିନ କାଶୀରାମଙ୍କ ବାହାଘର ବରଗଡ଼ ଜିଲା ସୋହେଲା ଚିଚିଣ୍ଡା ଗାଁରେ ହୋଇଥିଲା। ବିବାହ ତୃତୀୟ ବାର୍ଷିକୀ ଗୋଟିଏ ଦିନ ପୂର୍ବରୁ ସ୍ତ୍ରୀ ଯମୁନାକୁ ଛାଡି ଚାଲିଗଲେ କାଶୀରାମ। ପୁଅ ଭରସାରେ ଥିବା ପରିବାର ବର୍ତ୍ତମାନ ବେସାହାରା ହୋଇଥିବା ବେଳେ ଜନ୍ମମାଟି ସରେଇପାଲି ସହିତ ସହପାଠୀ, ବନ୍ଧୁ, ଗ୍ରାମବାସୀ ଝୁରୁଛନ୍ତି କାଶୀରାମଙ୍କୁ। ନିଜ ଗାଁକୁ ମର ଶରୀର ପହଞ୍ଚତ୍ବା କ୍ଷଣି କାନ୍ଦ ବୋବାଳିରେ ଫାଟି ପଡ଼ିଥିଲା ସମ୍ପୂର୍ଣ୍ଣ ପରିବେଶ। ଅଶ୍ରୁଳ ପରିବେଶ ମଧ୍ୟରେ ଗାଁ ଶ୍ମଶାନରେ ଶେଷକୃତ୍ୟ ସମ୍ପନ୍ନ ହୋଇଥିଲା।
Dharitri – Odisha’s No.1 Odia Daily
