କୁଆଁରମୁଣ୍ଡା,୨।୭(ଡି.ଏନ୍.ଏ.): ସୁନ୍ଦରଗଡ଼ ଜିଲା କୁଆଁରମୁଣ୍ଡା ବ୍ଲକ ଅନ୍ତର୍ଗତ ଦଲକି ପଞ୍ଚାୟତ କାଦୋଡ଼ହି ଗ୍ରାମର ଜଣେ ନାବାଳିକା ବୁଧବାର ସନ୍ଧ୍ୟାରେ ଶଙ୍ଖନଦୀରେ ଭାସିଯାଇଛନ୍ତି ମା’ଙ୍କ ସହ ଶଙ୍ଖନଦୀରେ ଗାଧୋଉଥିଲେ ୫ ବର୍ଷର ଝିଅ: ଏ ଯାଏ ମିଳୁନି ପତ୍ତା ସେ ହେଲେ ଖ୍ରୀଷ୍ଟଫର କିରୋଙ୍କ ୫ ବର୍ଷର ଝିଅ ରୋହିତା। ସନ୍ଧ୍ୟାରେ ରୋହିତା ମା’ମଞ୍ଜୁଲାଙ୍କ ସହ ଶଙ୍ଖନଦୀରେ ଗାଧୋଉଥିବା ବେଳେ ଭାସିଯାଇଥିଲେ। ଖବର ପାଇ ଘଟଣାସ୍ଥଳରେ ନିକଟସ୍ଥ କୁତ୍ରା ଅଗ୍ନିଶମ ବାହିନୀ କର୍ମଚାରୀମାନେ ପହଞ୍ଚି ନଦୀରେ ଖୋଜାଖୋଜି କରିଥିଲେ ମଧ୍ୟ ରୋହିତାଙ୍କୁ ଉଦ୍ଧାର କରାଯାଇପାରି ନାହିଁ । ଏପରିକି ରୋହିତାଙ୍କର ବାପା ଖ୍ରୀଷ୍ଟଫର ଓ ଦଲକି ଗ୍ରାମବାସୀ ୪ଟି ଡଙ୍ଗା ସାହାଯରେ ଶଙ୍ଖନଦୀର ଦଲକି ଠାରୁ ଆରମ୍ଭ କରି ମନ୍ଦିରା ଡ୍ୟାମ ପର୍ଯ୍ୟନ୍ତ ଖୋଜାଖୋଜି ଜାରି ରଖିଛନ୍ତି।
