କୋରାପୁଟ,୧୨।୯(ଅମିତାଭ ବେହେରା): କୋରାପୁଟ ଜିଲାରେ ମଙ୍ଗଳବାର ୯୩୭.୧ ମିଲିମିଟର ବର୍ଷା ହୋଇଥିବାବେଳେ ଜିଲାର ସେମିଳିଗୁଡା ବ୍ଲକରେ ସର୍ବାଧିକ ୨୦୮ ମିମି ବର୍ଷା ହୋଇଥିବା ଜିଲା ଜରୁରୀ ବିଭାଗ ପକ୍ଷରୁ କୁହାଯାଇଛି।
ଗତ କିଛି ଦିନ ତଳେ ଜିଲାର ସେମିଳିଗୁଡା ସହର ଓ ଆଖପାଖ ଅଞ୍ଚଳରେ ପ୍ରବଳ ବର୍ଷା ହେବା ଫଳରେ ବର୍ଷା ସ୍ରୋତରେ ଏକ ସ୍କୁଟି ଭାସିଯିବା ସହ କିଛି ଦୋକନରେ ବର୍ଷା ପାଣି ପଶିଯାଇ ତେଜରାତି ସାମାଗ୍ରୀ ନଷ୍ଟ ହୋଇଥିଲା ା
ସେହିପରି ମଙ୍ଗଳବାର ଜିଲାର ବୈପାରିଗୁଡା ବ୍ଲକରେ ୨୦୦ ମିମି ବର୍ଷା, ଜୟପୁର ବ୍ଳକରେ ୧୬୧ ମିମି ବର୍ଷା, କୋରାପୁଟ ବ୍ଲକରେ ୧୦୧ ମିମି ବର୍ଷା, ନନ୍ଦପୁର ବ୍ଲକରେ ୬୫ ମିମି, ଲମତାପୁଟ ବ୍ଳକରେ ୫୨ ମିମି, କୋଟପାଡ ବ୍ଲକରେ ୪୧.୨ ମିମି, ବୋରିଗୁମ୍ମା ବ୍ଳକରେ ୩୫.୬ ମିମି, ବନ୍ଧୁଗାଁ ବ୍ଲକରେ ୨୪ ମିମି, ଲକ୍ଷ୍ମୀପୁର ବ୍ଲକରେ ୧୬.୪ ମିମି, ପଟ୍ଟାଙ୍ଗି ବ୍ଲକରେ ୧୪.୨. ମିମି, କୁନ୍ଦ୍ରା ବ୍ଲକରେ ୧୧.୬ ମିମି, ନାରାୟଣପାଟଣା ବ୍ଳକରେ ୩.୪ ମିମି ଓ ଦଶମନ୍ତପୁର ବ୍ଲକରେ ସର୍ବନିମ୍ନ ୩ ମିଲିମିଟର ବର୍ଷା ହୋଇଥିବା ସୂଚନାମିଳିଛି ା ତେବେ ବର୍ତ୍ତମାନ ସୁଧା ଜିଲାରେ ବର୍ଷାଜନିତ କ୍ଷୟକ୍ଷତି ସମ୍ପର୍କରେ କୈଣସି ତଥ୍ୟ ଜିଲା ଜରୁରୀ ବିଭାଗ ନିକଟରେ ଆସି ନ ଥିବା ଜିଲା ଜରୁରୀ ଅଧିକାରୀ ଜ୍ଞାନଜିତ ତ୍ରୀପାଠି ପ୍ରକାଶ କରିଛନ୍ତି ା
