ଜୟପୁର,୧୪ା୧୦(ଡି.ଏନ.ଏ./ନି.ପ୍ର.)- ଦୃଢ ମନୋବଳ, ପରିବାର ଲୋକଙ୍କ ଶ୍ରଦ୍ଧା ଓ ଚିକିତ୍ସା କରୁଥିବା ଡାକ୍ତର, କର୍ମଚାରୀଙ୍କ ପ୍ରୋତ୍ସାହନ ଯୋଗୁ ଜଣେ ୯୧ ବର୍ଷର ବୃଦ୍ଧ କରୋନାକୁ ପରାସ୍ତ କରି ସୁସ୍ଥ ହୋଇ ଘରକୁ ଫେରିଛନ୍ତି। ତାଙ୍କ ପରିବାରର ୫ଜଣ ସଦସ୍ୟ ମଧ୍ୟ ଭଲ ହୋଇ ଫେରିଛନ୍ତି। ସମ୍ପୃକ୍ତ ବୃଦ୍ଧ ଜଣକ ହେଲେ କାଶୀନାଥ ପାଢୀ। କୋରାପୁଟ ଜିଲା କୋଟପାଡ ଏନଏସି ବାସୁଗୁଡା ଅଞ୍ଚଳର କାଶୀନାଥ ଏବଂ ପରିବାରର ୪ଜଣ କରୋନା ସଂକ୍ରମିତ ହୋଇ ଜୟପୁରସ୍ଥିତ କୋଭିଡ ଚିକିତ୍ସାଳୟରେ ଭର୍ତ୍ତି ହୋଇଥିଲେ। ସେଠାରେ ୧୦ ଦିନ ଚିକିତ୍ସିତ ହେବା ପରେ ସମସ୍ତେ ବୁଧବାର ସୁସ୍ଥ ହୋଇ ଘରକୁ ଫେରିଛନ୍ତି । ଏନେଇ କାଶୀନାଥଙ୍କ ପୁଅ ସନ୍ତୋଷ ପାଢୀ କହିଛନ୍ତି ଯେ, ଚିକିତ୍ସାଳୟ ଦାୟିତ୍ୱରେ ଥିବା ଡାକ୍ତର, ନର୍ସ ଏବଂ ଅନ୍ୟାନ୍ୟ କର୍ମଚାରୀଙ୍କ ଅକ୍ଲାନ୍ତ ପରିଶ୍ରମ ଏବଂ ଉନ୍ନତମାନର ଚିକିତ୍ସା ଯୋଗୁ ଆମେ ସମସ୍ତେ ସୁସ୍ଥ ହୋଇ ଫେରିଛୁ।
