ନୂଆଦିଲ୍ଲୀ, ୧୬।୭ : ଡଲାର ତୁଳନାରେ ଟଙ୍କାର ମୂଲ୍ୟ ହ୍ରାସ ନେଇ କଂଗ୍ରେସ ପକ୍ଷରୁ ରାହୁଲ ଗାନ୍ଧୀ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ସେ କଟାକ୍ଷ କରି କହିଛନ୍ତି ଯେ ବର୍ତ୍ତମାନ ପ୍ରଧାନମନ୍ତ୍ରୀ କୁମ୍ଭକର୍ଣ୍ଣ ନିଦରୁ ଜାଗନ୍ତୁ ଏବଂ ଆର୍ଥିକ ନୀତିରେ ସଂସ୍କାର ଆଣନ୍ତୁ। ଆନ୍ତଃବ୍ୟାଙ୍କ ବୈଦେଶିକ ମୁଦ୍ରା ବଜାରରେ ଆମେରିକାର ମୁଦ୍ରା ତୁଳନାରେ ଶୁକ୍ରବାର ଭାରତୀୟ ଟଙ୍କା ୧୭ ପଇସା ବୃଦ୍ଧି ହୋଇ ୭୯.୮୨ ଟଙ୍କାରେ ପହଞ୍ଚିଛି। ଗୁରୁବାର ଏହା କମି ୮୦ ଟଙ୍କାରୁ ଅଧିକ ହୋଇଯାଇଥିଲା।
ରାହୁଲ ଗାନ୍ଧୀ ଏକ ଫେସବୁକ ପୋଷ୍ଟରେ କହିଛନ୍ତି, ୮୦-୯୦ ପୂରା ଶହେ? ପ୍ରଧାନମନ୍ତ୍ରୀ ହେବା ପୂର୍ବରୁ ସେ ଟଙ୍କାକୁ ନେଇ ଲମ୍ବା ଭାଷଣ ଦେଉଥିଲେ। ପ୍ରଥମ ଥର ପାଇଁ ଟଙ୍କା ଆମେରିକା ଡଲାର ତୁଳନାରେ ୮୦ ଅତିକ୍ରମ କରିଛି। ଟଙ୍କା ଦୁର୍ବଳ ସ୍ଥିତିରେ ପହଞ୍ଚିଥିବା ରାହୁଲ କହିଛନ୍ତି। ରାହୁଲ କହିଛନ୍ତି ଦେଶର ଲୋକଙ୍କୁ ଟଙ୍କା ମୂଲ୍ୟର ଖରାପ ଅବସ୍ଥା ଏବଂ ଦିଗହୀନ ସରକାରଙ୍କ ଶୋଷଣ ପାଇଁ ଏଭଳି ସ୍ଥିତି ସୃଷ୍ଟି ହୋଇଛି।
ପ୍ରଧାନମନ୍ତ୍ରୀ କହିଥିଲେ ଯେ ଏକ ଶକ୍ତିଶାଳୀ ଟଙ୍କା ପାଇଁ ଜଣେ ପ୍ରଧାନମନ୍ତ୍ରୀ ଆବଶ୍ୟକ। ବାସ୍ତବତା ଏବେ ତାହା ସାମ୍ନାକୁ ଆସିଛି।
ରାହୁଲ ଗାନ୍ଧୀ କହିଛନ୍ତି ଯେ ମୁଁ ପୁନର୍ବାର ଭାରତ ସରକାରଙ୍କୁ କହୁଛି, ତଥାପି ସମୟ ଅଛି, ଏବେ କୁମ୍ଭକର୍ଣ୍ଣ ନିଦରୁ ଉଠ। ମିଥ୍ୟା ଏବଂ ପ୍ରଚାର ରାଜନୀତିକୁ ବନ୍ଦ କର ଏବଂ ତୁରନ୍ତ ଅର୍ଥନୈତିକ ନୀତିରେ ସଂସ୍କାର ଆଣ। ତୁମର ବିଫଳତା ପାଇଁ ଦେଶର ସାଧାରଣ ଲୋକ ଦଣ୍ଡ ସହି ପାରିବେ ନାହିଁ ବୋଲି ରାହୁଲ କହିଛନ୍ତି।
