ବରଗଡ଼ ଅଫିସ,୨୮।୯: ବରଗଡ଼ ସଦର ଥାନା ପୋଲିସ ବୁଧିଆପାଲିରେ ଚାଲିଥିବା ଏକ ଜୁଆ ଆଡ୍ଡା ଉପରେ ଚଢ଼ାଉ କରିଛି। ଚଢ଼ାଉରେ ଜୁଆଖେଳରେ ବ୍ୟବହୃତ ସାମଗ୍ରୀ ସହିତ ୧୨ଟି ବାଇକ୍, ନଗଦ ୧୫ ହଜାର ୮୧୦ ଟଙ୍କା ଜବତ କରିଛି। ଏହା ସହିତ ଏଥିରେ ସମ୍ପୃକ୍ତ ୮ଜଣଙ୍କୁ ଗିରଫ କରାଯାଇଛି। ସେମାନେ ହେଲେ, ଝାଙ୍କରପାଲିର ଡୋଲାମଣି ମେହେର, ଚକରକେନ୍ଦର ଦୁର୍ବାସା ସେଠ, ଲେବିଡିର ଯଦୁମଣି ବିଶ୍ବାଳ, ବିଶାମିତ୍ର ଭୋଇ, ଭାତବିଡାର ଅଶ୍ବିନୀ ବାଗ, ନରେନ୍ଦ୍ର ମଲ୍ଲିକ, ଶଙ୍କର୍ଷଣ ଦୁବେ ଏବଂ ଲକ୍ଷ୍ମଣ ରାଓ। ସେମାନଙ୍କ ବିରୋଧରେ ଥାନାରେ ୩ ଓପିଜି ଆକ୍ଟରେ ଏକ ମାମଲା (ନଂ-୨୭୭/୨୦୨୦) ରୁଜୁ ହୋଇଛି ବୋଲି ସଦର ଥାନା ଅଧିକାରୀ ଦିଲ୍ଲିପ କୁମାର ବେହେରା ସୂଚନା ଦେଇଛନ୍ତି।
