ନୂଆଦିଲ୍ଲୀ,୨୧।୩ : ଗତ ଦଶନ୍ଧିରେ ନକ୍ସଲମାନଙ୍କ ଦ୍ୱାରା ହୋଇଥିବା ହିଂସା ୭୭ ପ୍ରତିଶତ ହ୍ରାସ ପାଇଥିବାବେଳେ ସୁରକ୍ଷା ବାହିନୀ ଏବଂ ସାଧାରଣ ନାଗରିକଙ୍କ ମୃତ୍ୟୁ ସଂଖ୍ୟା ୯୦ ପ୍ରତିଶତ ହ୍ରାସ ପାଇଛି। କେନ୍ଦ୍ର ସ୍ବରାଷ୍ଟରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାୟ ସଂସଦରେ କହିଛନ୍ତି ୨୦୧୦ ମସିହାରେ ୯୬ ଟି ଜିଲାର ୪୬୫ ପୋଲିସ ଥାନାରେ ମାଓବାଦୀ ହିଂସା ରେକର୍ଡ ହୋଥିବାବେଳେ ୨୦୨୨ମସିହାରେ ୧୭୬ ଥାନାରେ ହିଂସା ରିପୋର୍ଟ କରାଯାଇଛି।
୨୦୧୦ରେ ମୋଟ ୧୦୦୫ ସୁରକ୍ଷା ବାହିନୀ ଏବଂ ସାଧାରଣ ନାଗରିକଙ୍କ ମୃତ୍ୟୁ ଘଟିଥିବାବେଳେ ୨୦୨୨ମସିହାରେ ଏହା ୧୦ ପ୍ରତିଶତ କମିଛି। ଏପ୍ରିଲ ୨୦୧୮ ରେ ଏସଆରଇ ଜିଲା ସଂଖ୍ୟା ୧୨୬ ରୁ ୯୦ରେ ପହଞ୍ଚିଥିବାବେଳେ ଜୁଲାଇ ୨୦୨୧ ରେ ଏହା ୭୦କୁ ହ୍ରାସ ପାଇଛି।
୨୮ ଫେବୃଆରୀ ୨୦୨୩ ପର୍ଯ୍ୟନ୍ତ ଦିଲ୍ଲୀ ପୋଲିସ ସୂଚନା ଅନୁସାରେ ଗତ ଦୁଇ ବର୍ଷ ମଧ୍ୟରେ ନୂଆଦିଲ୍ଲୀରେ ଜନପ୍ରତିନିଧିଙ୍କ ବାସଭବନରେ ଆକ୍ରମଣର ଚାରିଟି ଘଟଣା
ରେକର୍ଡ କରାଯାଇଛି। ଏହିତ ମାମଲାରେ ୧୬ ଜଣଙ୍କୁ ଗିରଫ କରାଯାଇଛି। ଏନେଇ ଦୁଇଟି ମାମଲାରେ ଚାର୍ଜଶିଟ ଦାଖଲ କରାଯାଇଛି।
ହାଇଦ୍ରାବାଦ ଏମପି ତଥା ଏଆଇଏମଆଇଏମ ଅଧ୍ୟକ୍ଷ ଅସଦୁଦ୍ଦିନ ଓୱାଇସିଙ୍କ ଏକ ଲିଖିତ ପ୍ରଶ୍ନର ଉତ୍ତରରେ ମନ୍ତ୍ରୀ ଲୋକସଭାରେ ଏହି ସୂଚନା ଦେଇଛନ୍ତି।
