ବରଗଡ ଅଫିସ,୨୨।୯- ବରଗଡ ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି। ସୋମବାର ଜିଲାରେ ପୁଣି ୧୧୪ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ବରଗଢ ବ୍ଲକର ୧୯, ବରଗଡ ପୌରାଞ୍ଚଳର ୨୯, ଅତାବିରା ୧୫, ଭେଡେନ ୯, ବିଜେପୁର ୭, ବରପାଲି ଓ ଭଟଲି ବ୍ଲକର ୬ଜଣ ଲେଖାଏଁ, ଅମ୍ବାଭୋନା ୫, ପଦ୍ମପୁର ବ୍ଲକ ଓ ଅତାବିରା ଏନଏସିର ୪ଜଣ ଲେଖାଏ, ପାଇକମାଲ ବ୍ଳକ ଓ ଏଠାରେ ଚିକିତ୍ସାଧିନ ରହିଥିବା ସମ୍ବଲପୁର ଜିଲାର ଜଣେ ଲେଖାଏ ଆକ୍ରାନ୍ତ ରହିଛନ୍ତି। ଏହାକୁ ମିଶାଇ ଜିଲାରେ ଆକ୍ରାନ୍ତଙ୍କ ସଂଖ୍ୟା ୫୩୩୭ରେ ପହଞ୍ଚିଛି। ସେମାନଙ୍କ ମଧ୍ୟରୁ ୧୨ଜଣକର ମୃତ୍ୟୁ ହୋଇଥିବା ବେଳେ ୪୧୨୧ ଜଣ ସୁସ୍ଥ ହୋଇଛନ୍ତି ଏବଂ ଅନ୍ୟ ୧୨୦୪ ଜଣ ବିଭିନ୍ନ କୋଭିଡ ହସ୍ପିଟାଲ ଏବଂ ହୋମ ଆଇସୋଲେଶନରେ ରହି ଚିକିତ୍ସାଧିନ ଅଛନ୍ତି ବୋଲି ଜିଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାଶ ସୂଚନା ଦେଇଛନ୍ତି। ସେହିପରି କାର୍ଯ୍ୟରତ କର୍ମଚାରୀ କରୋନା ପଜିଟିଭ ଚିହ୍ନଟ ହେବା ପରେ ଆସନ୍ତା ୨୨ ତାରିଖ ପର୍ଯ୍ୟନ୍ତ ବରଗଡ ଏଚଡିଏଫସି ବ୍ୟାଙ୍କକୁ ଶଟଡାଉନ ଘୋଷଣା କରାଯାଇଛି ବୋଲି ସୂଚନା ଦିଆଯାଇଛି।
