ନୂଆଦିଲ୍ଲୀ,୧୪।୧୨ : ଆଇଟି ମନ୍ତ୍ରଣାଳୟ ସଂସଦକୁ କହିଛନ୍ତି ଯଦି କୌଣସି ଅପରେଟର ଆଧାର ସେବା ପାଇଁ ଅଧିକ ଚାର୍ଜ ନେଉଛନ୍ତି, ତେବେ ତାଙ୍କୁ ନିଲମ୍ବିତ କରାଯାଉଛି ଏବଂ ତାଙ୍କୁ ନିୟୋଜିତ ରେଜିଷ୍ଟ୍ରାରଙ୍କ ଉପରେ ୫୦ ହଜାର ଟଙ୍କା ଜୋରିମାନା ଲାଗୁ କରାଯାଉଛି।
ୟୁନିକ ଆଇଡେଣ୍ଟିଫିକେଶନ ଅଥରିଟି ଅଫ ଇଣ୍ଡିଆ (ୟୁଆଇଡିଏଆଇ) ସମସ୍ତ ଆଧାର ଅପରେଟରଙ୍କୁ ବାୟୋମେଟ୍ରିକ ଏବଂ ଡେମୋଗ୍ରାଫିକ ବିବରଣୀ ଅପଡେଟ ସମେତ ଆଧାର ସେବା ପାଇଁ ଅଧିକ ଦେୟ ନ ଦେବାକୁ କହିଛନ୍ତି ବୋଲି ଇଲେକ୍ଟ୍ରୋନିକ୍ସ ତଥା ଆଇଟି ରାଷ୍ଟ୍ର ମନ୍ତ୍ରୀ ରାଜୀବ ଚନ୍ଦ୍ରଶେଖର ଲୋକସଭାରେ ଏକ ଲିଖିତ ଉତ୍ତରରେ କହିଛନ୍ତି। ସେ କହିଛନ୍ତି ଲୋକମାନେ ୟୁଆଇଡିଏଆଇ ସହିତ ଇମେଲ ମାଧ୍ୟମରେ କିମ୍ବା ଟୋଲ ଫ୍ରି ନମ୍ବର ୧୯୪୭କୁ କଲ କରି ଏହି ଅଭିଯୋଗ କରିପାରିବେ।
ଚଳିତ ବର୍ଷ ନଭେମ୍ବର ପର୍ଯ୍ୟନ୍ତ ଜନସାଧାରଣଙ୍କ ଅଭିଯୋଗ ସମାଧାନ ଏବଂ ମନିଟରିଂ ସିଷ୍ଟମ ଉପରେ କେନ୍ଦ୍ର ସରକାର ୧୯.୪୫ ଲକ୍ଷ ଅଭିଯୋଗ ଗ୍ରହଣ କରିଛନ୍ତି। ଏଥିମଧ୍ୟରୁ ପ୍ରାୟ ୧୯ ଲକ୍ଷରୁ ଅଭିଯୋଗର ସମାଧାନ ହୋଇଛି।
