ପୋଲସରା,୨୮ା୮(ସୁବ୍ରତ ବେହେରା): ଅଧପନ୍ତରିଆ ଭାବେ ପଡ଼ିରହିଛି ୫-ଟି ସ୍କୁଲର କୋଠା। ପୁରୁଣା କୋଠାରେ ବ୍ଲାକ ବୋର୍ଡରେ ଚାଲିଛି ପାଠ ପଢ଼ା। ଆଉ ସ୍କୁଲ ଛୁଟି ପରେ ନିଶାସକ୍ତମାନେ ଆଡ୍ଡା ଜମାଉଛନ୍ତି। ଏଭଳି ଦୃଶ୍ୟ ଦଖିବାକୁ ମିଳିଛି ପୋଲସରା ବ୍ଲକ ଗୋଛାବାଡ଼ି ପଞ୍ଚାୟତରେ ଥିବା ଶ୍ରୀଶ୍ରୀ ଜଗନ୍ନାଥସ୍ବାମୀ ଉଚ୍ଚ ବିଦ୍ୟାଳୟରେ। ଏହି ବିଦ୍ୟାଳୟକୁ ରାଜ୍ୟ ସରକାର ରୂପାନ୍ତରିତ କରିବା ପାଇଁ ଲକ୍ଷ ଲକ୍ଷ ଟଙ୍କା ଅନୁଦାନ ପ୍ରଦାନ କରିଛନ୍ତି। କିନ୍ତୁ ଏହି ବିଦ୍ୟାଳୟରେ ନବମ ଶ୍ରେଣୀରେ ୬୦ ଜଣ ଛାତ୍ରୀଛାତୀ ରହିଥିବା ବେଳେ ଦଶମ ଶ୍ରେଣୀରେ ୬୩ ଜଣ ଛାତ୍ରୀଛାତ୍ର ପାଠ ପଢ଼ୁଛନ୍ତି। ମାତ୍ର ୮ ଜଣ ଶିକ୍ଷକ ଥିବା ପ୍ରଧାନ ଶିକ୍ଷକ ହରପ୍ରସାଦ ଗୌଡ କହିଛନ୍ତି। ପୁରୁଣା ସ୍କୁଲକୁ ୫-ଟି ସ୍କୁଲ ନାମରେ ରୂପାନ୍ତରିତ କରିବା ପାଇଁ ରାଜ୍ୟ ସରକାର ଅର୍ଥ ପ୍ରଦାନ କଲେ। ହେଲେ ଆଜି ବି ସେହି ପୁରୁଣା କୋଠାରେ ନବମ ଶ୍ରେଣୀର ଛାତ୍ରୀଛାତ୍ରମାନେ ବ୍ଲାକବୋର୍ଡରେ ପାଠ ପଢୁଥିବା ଦେଖିବାକୁ ମିଳୁଛି। ନୂତନ କୋଠା ହୋଇଛି ସତ, ହେଲେ ଦ୍ୱିତୀୟ ମହଲାରେ ଝରକା, କବାଟ ନାହିଁ। ବର୍ତ୍ତମାନ ସୁଦ୍ଧା ଅଧପନ୍ତରିଆ ଭାବେ ପଡ଼ିରହିଛି ୫-ଟି ସ୍କୁଲର ନୂତନ କୋଠା। ସ୍କୁଲର ଶିକ୍ଷକ ହେଉ ଅବା ଛାତ୍ରୀଛାତ୍ରମାନଙ୍କ ପାଇଁ ପାନୀୟ ଜଳ ଯୋଗାଣର କୌଣସି ୍ଯଯବସ୍ଥା ନାହିଁ। ଶୌଚାଳୟ ହୋଇଛି ହେଲେ ନାହିଁ ପାଣି ଟାଙ୍କିର ସୁବିଧା, ନାହିଁ କବାଟ। ପାଣିର ସୁବିଧା ନଥିବାରୁ ନୂତନ ଶୌଚାଳୟ କାର୍ଯ୍ୟକାରୀ ହେଉନାହିଁ। ଉକ୍ତ ଶୌଚାଳୟରେ ମଦ ବୋତଲ ପଡିଥିବା ଦୃଶ୍ୟ ଦେଖିବାକୁ ମିଳିଥିଲା। ପାଚେରି ନଥିବାରୁ ସ୍କୁଲ ଛୁଟି ପରେ ନିଶାସକ୍ତଙ୍କ ଆଡା ଜମୁଛି। ସ୍କୁଲରେ ପାନୀୟ ଜଳ ଯୋଗାଣ ବ୍ୟବସ୍ଥା ପାଇଁ ୧ ଲକ୍ଷ ୯୪ ହଜାର ୨୩୮ ଟଙ୍କା ଉଠାଣ ହୋଇଥିଲେ ମଧ୍ୟ ନାହିଁ କାର୍ଯ୍ୟ ହୋଇନଥିବା ଦେଖିବାକୁ ମିଳିଛି। ସ୍କୁଲ ପରିସରରେ ପାଇଖାନା ନଥିବା ବେଳେ ଅସ୍ଥାୟୀ ପାଇଖାନା ବ୍ୟବହାର କରୁଥିବା କହିଛନ୍ତି ଛାତ୍ରୀଛାତ୍ର। ହେଲେ ଉକ୍ତ ଦୁଇଟି ପ୍ରକଳ୍ପର ଟଙ୍କା ନୂତନ ୫-ଟି କୋଠାରେ ଲାଗିଥିବା ସ୍କୁଲର ପ୍ରଧାନ ଶିକ୍ଷକ ହରପ୍ରସାଦ ଗୌଡ଼ କହିଛନ୍ତି। ତୁରନ୍ତ ଉଚ୍ଚପଦସ୍ଥ ଅଧିକାରୀ ପୁଙ୍ଖାନୁପୁଙ୍ଖ ତଦନ୍ତ କରି ପଦକ୍ଷେପ ନେବାକୁ ଦାବି ହୋଇଛି।
