ବେଙ୍ଗାଲୁରୁ,୨୪।୧୨(ପି.ଟି.): ଅଙ୍କିତା ଗୌଡ଼ ଏବେ ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି। ୫ ମାସର ଗର୍ଭବତୀ ହୋଇଥିଲେ ମଧ୍ୟ ସେ ୧୦ କିଲୋମିଟର ବିଶିଷ୍ଟ ରେସ୍କୁ ମାତ୍ର ଏକଘଣ୍ଟା ୨ ମିନିଟ୍ରେ ପୂରା କରିଛନ୍ତି। ରବିବାର ବେଙ୍ଗାଲୁରୁରେ ଅନୁଷ୍ଠିତ ଟିସିଏସ୍ ଓ୍ବାଲର୍ଡ ୧୦କେ ୨୦୨୦ ରେସ୍କୁ ଅଙ୍କିତା ମାତ୍ର ୬୨ ମିନିଟ୍ରେ ଅତିକ୍ରମ କରିଛନ୍ତି। ଏହି ସମୟରେ ସେ ୬ ମିନିଟ୍ ପାଣି ପିଇବା, ଟଏଲେଟ୍ ଯିବା ବାବଦରେ ବ୍ୟୟ କରିଥିଲେ। ଏଥିପାଇଁ ତାଙ୍କୁ ୧୨ ତାଲା ଉପରକୁ ଯିବା ସହିତ ଓହ୍ଲାଇବାକୁ ମଧ୍ୟ ପଡିଥିଲା।
ଗତ ୯ବର୍ଷ ହେବ ଅଙ୍କିତା ନିୟମିତ ଭାବେ ଦୌଡ଼ି ଆସୁଛନ୍ତି। ଏପରିକି ପ୍ରତିଦିନ ଦୌଡିଥାଏ ବୋଲି ସେ କୁହନ୍ତି। ଗର୍ଭବତୀ ଥିବା ଅବସ୍ଥାରେ ମଧ୍ୟ ଦୌଡ଼ିବା ଏକ ଭଲ ବ୍ୟାୟାମ। ପେସାରେ ଜଣେ ଇଞ୍ଜିନିୟର ହୋଇଥିଲେ ମଧ୍ୟ ସେ ୨୦୧୩ରୁ ଟିସିଏସ୍ ଓ୍ବାଲର୍ଡ ୧୦କେ ରେସ୍ରେ ଭାଗ ନେଇଆସୁଛନ୍ତି। ସେ ମଧ୍ୟ ୫-୬ଟି ଅନ୍ତର୍ଜାତୀୟ ମାରାଥନରେ ଅଂଶଗ୍ରହଣ କରିଆସୁଛନ୍ତି। ସେ ବର୍ଲିନ ମାରାଥନ ୩ ଥର, ବୋଷ୍ଟନ ଓ ନ୍ୟୁୟର୍କ ମାରାଥନରେ ଅଂଶଗ୍ରହଣ କରିଛନ୍ତି। ପୂର୍ବରୁ ଟିସିଏସ୍ ୧୦କେ ରେସ୍ରେ ପଦକ ହାସଲ କରିଛି। କିନ୍ତୁ ଏଥର ବ୍ରେକ୍ ଓ ଚାଲିବା କାରଣରୁ ପଦକ ଜିତିପାରି ନାହିଁ ବୋଲି ସେ କହିଛନ୍ତି। ଅବଶ୍ୟ ଇଞ୍ଜୁରି ଓ ସ୍ବାସ୍ଥ୍ୟଗତ କାରଣରୁ ବେଳେ ବେଳେ ଦୌଡ଼ି ପାରି ନ ଥାଏ। ନ ହେଲେ ନିୟମିତ ଦୌଡ଼ାବାରେ କୌଣସି ସମସ୍ୟା ନ ଥାଏ। ଗର୍ଭବତୀ ଥିବା ଅବସ୍ଥାରେ ଦୌଡ଼ିବା ଭଲ କଥା। ନିୟମିତ ଦୌଡ଼ୁଥିଲେ ଏଥିରେ କୌଣସି ଅସୁବିଧା ନାହିଁ। ଚଳିତ ବର୍ଷ ଇଭେଣ୍ଟ ପାଇଁ ମୋତେ ବିଶେଷ ଭାବେ ପ୍ରସ୍ତୁତି କରିବାକୁ ପଡିଥିଲା। ମନ୍ଥର ଗତିରେ ଦୈନିକ ୫-୮ କି.ମି. ନିୟମିତ ଦୌଡୁଥିଲି।
ଦୌଡ଼ବା ନେଇ ମୋ ପରିବାର ସବୁବେଳେ ସମର୍ଥନ କରିଆସିଛନ୍ତି। ସ୍ବାମୀ ମୋତେ ଏଥିରେ ପୂର୍ଣ୍ଣ ସମର୍ଥନ ଜଣାଇ ଆସିଛନ୍ତି ବୋଲି ସେ କୁହନ୍ତି। ତେବେ ପ୍ରଥମେ ମା’ ଦୌଡ଼ିବାକୁ ବାରଣ କରୁଥିଲେ। ୫ ମାସର ଗର୍ଭବତୀ ହୋଇଥିଲେ ମଧ୍ୟ ଡାକ୍ତର ଦୌଡ଼ିବା ପାଇଁ ପରାମର୍ଶ ଦେଇଥିଲେ। ତେବେ ଜୋରରେ ଦୌଡ଼ିବାକୁ ବାରଣ କରିଥିଲେ ବୋଲି ଅଙ୍କିତା କହିଛନ୍ତି। ବାପା ଜଣେ କ୍ରୀଡ଼ାବିତ୍ ହୋଇଥିବାରୁ ଦୌଡ଼ିବା ପାଇଁ ସବୁବେଳେ ସମର୍ଥନ କରିଆସିଛନ୍ତି। ଆଗକୁ ମଧ୍ୟ ଦୌଡ଼ିବା ଜାରି ରଖିବି ବୋଲି ସେ କହିଛନ୍ତି।
