ଘସିପୁରା,୬ା୧୨(ନିରଞ୍ଜନ ସାହୁ): କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଆଗର୍ଦା ଗ୍ରାମରେ ଗୋଷ୍ଠୀ ସଂଘର୍ଷ ଘଟି ୫ ଗୁରୁତର ହୋଇଥିବା ସୂଚନା ମିଳିଛି। ପୂର୍ବଶତ୍ରୁତାକୁ କେନ୍ଦ୍ରକରି ଗ୍ରାମରେ ଦୁଇ ଗୋଷ୍ଠୀ ମଧ୍ୟରେ ଘଟିଥିବା ସଂଘର୍ଷରେ ଗୋଲକ ଜେନା, ସଞ୍ଜୟ ଜେନା, ଡାହାଣୀ ଜେନା, ଟିମା ଜେନା, ପୂର୍ଣ୍ଣିମା ଜେନା ଗୁରୁତର ହୋଇଥିବା ବେଳେ ସେମାନଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ଦୁଇ ଗୋଷ୍ଠୀର ଅଭିଯୋଗ ଆଧାରରେ ରାମଚନ୍ଦ୍ରପୁର ଥାନାରେ ୨୮୮/୨୩ ଓ ୨୮୯/୨୩ରେ ଦୁଇଟି ମାମଲା ରୁଜୁ କରାଯାଇଥିବା ସୂଚନା ମିଳିଛି। ରାଜନୈତିକ ଆକ୍ରୋଶକୁ କେନ୍ଦ୍ରକରି ପୂର୍ବରୁ ଗ୍ରାମରେ ଦୁଇ ଗୋଷ୍ଠୀ ମଧ୍ୟରେ ବିବାଦ ଲାଗିରହିଥିଲା। ଆପୋଷ ବୁଝାମଣାରେ ଘଟଣା ସମାଧାନ ହୋଇଥିବା ବେଳେ ପୁନର୍ବାର ଏହା ଉଗ୍ରରୂପ ଧାରଣ କରିବାକୁ ବସିଛି। ଠେଙ୍ଗା ଓ ପଥରମାଡ଼ରେ ଉଭୟ ପକ୍ଷରୁ ଗୁରୁତର ହୋଇଥିବା ବେଳେ ରାମଚନ୍ଦ୍ରପୁର ପୋଲିସ ପାଇଁ ଏହା କଡ଼ା ଚ୍ୟାଲେଞ୍ଜ ହୋଇଛି।
