ଭୋଜପୁର (ବିହାର),୨୪।୧୨: ବିହାରର ଆରା ଜିଲା ଅନ୍ତର୍ଗତ ଭୋଜପୁରର ଚାନ୍ଦି ଗାଁରେ ‘ପାକିସ୍ତାନ ଜିନ୍ଦାବାଦ୍’ ନାରା ଦେଇଥିବା ଅଭିଯୋଗରେ ୫ ଜଣ ଯୁବକଙ୍କୁ ପୋଲିସ ଗିରଫ କରିଛି। ମିଳିଥିବା ସୂଚନା ମୁତାବକ, ଚାନ୍ଦି ଗାଁରେ ବ୍ୟାଡମିଣ୍ଟନ ପ୍ରତିଯୋଗିତା ହୋଇଥିଲା। ମ୍ୟାଚ୍ ଜିତିବା ପରେ କିଛି ଯୁବକ ଖୁସିରେ ନାଚିବା ସହ ପାକିସ୍ତାନ ଜିନ୍ଦାବାଦ୍ କରି ସେଲିବ୍ରେସନ ପାଳିଥିଲେ। ପରବର୍ତ୍ତୀ ସମୟରେ ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଦେଶ ବିରୋଧୀ ନାରା ଦେଇଥିବା ଅଭିଯୋଗରେ ପୋଲିସ ୫ ଯୁବକଙ୍କୁ ଗିରଫ କରଛି। ସମ୍ପୃକ୍ତ ଯୁବକମାନେ କେଉଁ ପରିସ୍ଥିତିରେ ଏଭଳି ନାରାବାଜି ଦେଲେ, ସେନେଇ ପୋଲିସ ଏକ ମାମଲା ରୁଜୁ କରି ଘଟଣାର ଅଧିକ ତଦନ୍ତ ଚଳାଇଛି। ଘଟଣାରେ ଅନ୍ୟ କେହି ସମ୍ପୃକ୍ତି ଥିବା ଜଣାପଡିଲେ ତାଙ୍କୁ ମଧ୍ୟ ଗିରଫ କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।
