ଗତ ଦେଢବର୍ଷ ମଧ୍ୟରେ ଭାରତରେ 5G ନେଟୱର୍କ ସେବା ଦ୍ରୁତ ଗତିରେ ବୃଦ୍ଧି ପାଉଛି। 4G ଟେକ୍ନୋଲୋଜି ବର୍ତ୍ତମାନ ପୁରୁଣା ହୋଇଯାଇଛି। କିନ୍ତୁ ଅନେକ ସ୍ମାର୍ଟଫୋନ ବ୍ୟବହାରକାରୀ ଏବେ 4G ବ୍ୟବହାର କରୁଛନ୍ତି। ରିଲାଏନ୍ସ ଜିଓ ଭାରତର ଅଧିକାଂଶ ଭାଗରେ 5G ସେବା ପହଞ୍ଚାଇ ଦେଇଛି। ଏୟାରଟେଲ ମଧ୍ୟ ଏନେଇ ପଛରେ ପଡିନାହିଁ। କିନ୍ତୁ BSNL ବ୍ୟବହାରକାରୀମାନେ ଏପର୍ଯ୍ୟନ୍ତ 4G ସେବା ଉପଭୋଗ କରି ନାହାନ୍ତି। ତେବେ 4G ଠାରୁ 5G ନେଟୱର୍କର ଇଣ୍ଟରନେଟ ସ୍ପିଡ ଅଧିକ। କିନ୍ତୁ ଆପଣ ଜାଣନ୍ତି କି କେଉଁ ନେଟୱର୍କ ବ୍ୟବହାର କରିବା ସମୟରେ ଫୋନର ସର୍ବାଧିକ ବ୍ୟାଟେରୀ ସରିଥାଏ? ଜାଣନ୍ତୁ…
ଇଣ୍ଟରନେଟ ସ୍ପିଡ ଯାଞ୍ଚ ପାଇଁ ବ୍ୟବହୃତ ହେଉଥିବା ଟୁଲ୍ ଓକଲା ନିକଟରେ ଏକ ଅଧ୍ୟୟନ କରିଛି। ଅଧ୍ୟୟନରେ ଜଣାପଡିଛି କି, ମୋବାଇଲ ବ୍ୟାଟେରୀ ପାଇଁ 4G ସେବା ଭଲ। କାରଣ 5G ରେ ମୋବାଇଲ ବ୍ୟାଟେରୀ ବେଶୀ ସରିଥାଏ। 5G ନେଟୱାର୍କର ଫୋନଗୁଡିକ ୬-୧୧ ପ୍ରତିଶତ ଅଧିକ ବ୍ୟାଟେରୀ ଖାଇଥାଏ । ଅଧ୍ୟୟନରୁ ଆହୁରି ଜଣାପଡିଛି ଯେ, କ୍ୱାଲକମ ସ୍ନାପଡ୍ରାଗନ (Qualcomm Snapdragon 8 Gen 2) ଏପରି ଏକ ପ୍ରୋସେସର ଯେଉଁଥିରେ କମ୍ ବ୍ୟାଟେରୀ ସରିଥାଏ।
ଯେତେବେଳେ ଏହି ମୋବାଇଲର ଚିପ୍ 5G ନେଟୱର୍କରେ ଚାଲିଥାଏ ତାହା ୩୧ ପ୍ରତିଶତ ପାଓ୍ବର କନଜ୍ୟୁମ କରିଥାଏ। ଆଉ ଯେତେବେଳେ ଏହା 4G ରେ ଚାଲେ ତାହା ୨୫ ପ୍ରତିଶତ ପାଓ୍ବର କନଜ୍ୟୁମ କରିଥାଏ। ଅନ୍ୟ ସମସ୍ତ ଚିପ୍ 4G ଫୋନରେ ଅଧିକ ବ୍ୟାଟେରୀ ସରିଥାଏ। ସବୁ ସ୍ଥାନରେ 5G ଉପଲବ୍ଧ ହେଉ ନ ଥିବାରୁ ଏହି ନେଟୱର୍କ ସର୍ଚ୍ଚବେଳେ ବଫରିଙ୍ଗରେ ହିଁ ବେଶୀ ଚାର୍ଜ ସରିଯାଏ।
5G ଚାଲିବା ସମୟରେ ଫୋନରେ କିପରି କମ ଚାର୍ଜ ସରିବ ଜାଣନ୍ତୁ କିଛି ଟିପ୍ଦ:
ଯଦି ଆପଣଙ୍କୁ 5Gରେ ଇଣ୍ଟେରନେଟ ସେବା ଦରକାର ନାହିଁ ତେବେ ନେଟୱର୍କକୁ 4G କୁ ପୋର୍ଟେବୁଲ କରନ୍ତୁ । ଏହାଦ୍ୱାରା ଆପଣଙ୍କ ଚାର୍ଜ କମ୍ ସରିବ। 5G ଫୋନ ଆଡଭାନ୍ସ ତ ହୋଇଥାଏ ହେଲେ ପୁରୁଣା ପୁରୁଣା ସ୍କ୍ରିନ ଠାରୁ ଅଧିକ ବ୍ରାଇଟ୍ନେସ୍ ଥାଏ। ତେଣୁ ବ୍ରାଇଟ୍ନେସ୍କୁ ଅଟୋମୋଡ୍ରେ ରଖନ୍ତୁ। ଫୋନକୁ ଜେନରାଲରେ ରଖନ୍ତୁ କାରଣ ଭାଇବ୍ରେଟରେ ରଖିବା ଦ୍ୱାରା ଶୀଘ୍ର ଚାର୍ଜ ସରିଥାଏ। ଯେହେତୁ 5G ନେଟୱର୍କରେ ଇଣ୍ଟରନେଟ ସ୍ପିଡରେ ଚାଲିଥାଏ, ଅନେକ ଆପ ବ୍ୟାକଗ୍ରାଉଣ୍ଡରେ ସ୍ବୟଂଚାଳିତ ଭାବରେ ଚାଲୁଥାଏ। ତେଣୁ ଆବଶ୍ୟକ ନ ଥଲେ ଏହି ଆପ୍ଗୁଡିକୁ ବନ୍ଦ କରିଦିଅନ୍ତୁ।
