ପାପଡାହାଣ୍ଡି,୯।୧(ଡି.ଏନ୍.ଏ.): ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକର ପୃଥକ ସ୍ଥାନରେ ସୋମବାର ବାଇକ ଦୁର୍ଘଟଣା ଘଟି ୪ଜଣ ଗୁରୁତର ହୋଇଛନ୍ତି। ସମସ୍ତଙ୍କୁ ପ୍ରଥମେ ପାପଡାହାଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପରେ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଜିତୁ ହରିଜନ ଓ ହିମାଂଶୁ ହରିଜନ ଏକ ବାଇକ୍ରେ ବାବାଜୀଗୁଡ଼ାରୁ ଚନ୍ଦ୍ରପୁର ଯିବା ସମୟରେ ଚଢେଇମାରୁଗୁଡ଼ା ଛକରେ ଏକ ଗଛକୁ ପିଟି ଦେଇଥିଲେ। ଘଟଣାସ୍ଥଳରେ ସେମାନେ ଗୁରୁତର ହୋଇପଡିଥିଲେ। ସେମାନଙ୍କୁ ପାପଡାହାଣ୍ଡି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଉମରକୋଟ ଭରଣ୍ଡୀ ଅଞ୍ଚଳ ଖୁଟୁଗୁଡ଼ାର ତୁଲାରାମ ନାୟକ ଓ ରାୟମତି ନାୟକ ଏକ ବାଇକରେ ଧର୍ମଗଡ଼ ଯିବା ସମୟରେ ନୀଳାଦ୍ରିଗୁଡା ନିକଟରେ ଏକ ଟ୍ରାକ୍ଟର ସେମାନଙ୍କୁ ଧକ୍କା ଦେଇଥିଲା। ସେମାନଙ୍କୁ ସ୍ଥାନୀୟ ପୋଲିସ ଉଦ୍ଧାର କର ପାପଡ଼ାହାଣ୍ଠି ଡାକ୍ତରଖାନରେ ଭର୍ତ୍ତି କରିଛି।
